القسم الادبي
كنت أغصبنى ومتسبنيش
بعد ماسبتك …
ومشيت حافى وعارى وحيد
بعد ماسبتك …
ومشيت ياما وياما بعيد
فرحان بالجنه حواليا .. باللى انا سميته الحريه ..
فجأة لقيت نفسى لوحديا فى صحرا ..
وأساور فى أديا حديد
……
شمس نهارى بتكوى فى راسى
برد الليل جمّد أنفاسى
والقلب اللى كتير كان قاسى داق واستطعم مرّ البعد
عاند .. لف كتير واتغرب
يبعد .. عمره ماكان بيقرب
شاف الصعب وداق م الاصعب واللى ازداد جواه كان عند !
……
انت تنادى وبسمع صوتك وبقول ان انا كده مرتاح
انا ماطالبتش مره بموتك وفداك عمره ماكان مفتاح
وانت برغم كلامى الجارح تترجانى عشان نتصالح !
مهما بخونك بلقاك فاتح حضنك بدموع الافراح !!!
لــــــــيه ؟؟؟
ليه متأخر باجى ياربى ؟؟
ليه متأخر بيلين قلبى ؟؟
مهما هتستر ولاّ تخبّى ندمى هيفضل فيّا يعيش
ليه بالذات طب انت حاببنى ؟
ليه فى بعادى كنت سايبنى ؟؟؟
كنت أألمنى .. كنت أصلبنى ..
كنت أغصبنى وماتسبنيش
ومشيت حافى وعارى وحيد
بعد ماسبتك …
ومشيت ياما وياما بعيد
فرحان بالجنه حواليا .. باللى انا سميته الحريه ..
فجأة لقيت نفسى لوحديا فى صحرا ..
وأساور فى أديا حديد
……
شمس نهارى بتكوى فى راسى
برد الليل جمّد أنفاسى
والقلب اللى كتير كان قاسى داق واستطعم مرّ البعد
عاند .. لف كتير واتغرب
يبعد .. عمره ماكان بيقرب
شاف الصعب وداق م الاصعب واللى ازداد جواه كان عند !
……
انت تنادى وبسمع صوتك وبقول ان انا كده مرتاح
انا ماطالبتش مره بموتك وفداك عمره ماكان مفتاح
وانت برغم كلامى الجارح تترجانى عشان نتصالح !
مهما بخونك بلقاك فاتح حضنك بدموع الافراح !!!
لــــــــيه ؟؟؟
ليه متأخر باجى ياربى ؟؟
ليه متأخر بيلين قلبى ؟؟
مهما هتستر ولاّ تخبّى ندمى هيفضل فيّا يعيش
ليه بالذات طب انت حاببنى ؟
ليه فى بعادى كنت سايبنى ؟؟؟
كنت أألمنى .. كنت أصلبنى ..
كنت أغصبنى وماتسبنيش
أعتذر عن الغياب
ومعلش هبقى اجى زيارة من حين لاخر
صلووووولى
