شَبعان حَنان

لَمَّا تَركتَك وِبعِدت عَنَّك
بَقيت حَزين.. تايه وَحيد
فَكَّرني قَلبي وِأنا فـِ حَياتي
تَحت جناحَك كُنت سَعيد

كُنت باأصَّلي وَ أقول لِرَّبي
أنا ضَليت عَنْ القَطيع
إفتَح عينيَّ وِنَوَّرلي قَلبي
عَلشان أرجع قَبل ماأضيع

قُلت أعيشلي يومين وِأفرَح
دَه أنا أهوه لِسَه شَباب
وِغِرقِت فـِ العالَم إللي بِيجرَح
رَيَّحني يا رَّب مِنْ العَذاب

وِلَمَّا سِمعت صوتَك نَداني
قُلت يا رَّب أرجَع إليك
وِبان حُبَّك فوق الصَليب
مُشتاق إليَّ..فاتِح إيديك

كَلِمات ريمون سمير