القسم الادبي
شهدا تحت الطلب/أيمن وهبة
شاعر جريح ومتألم
أيمن وهبة
Afw
—
شهدا تحت الطلب
5102011
9102011
ساكت ليه يا أبويا إتكلم
شايف عارف ان دموعك
جواك تتألم
قول يا بويا وفضفض
إبنك مستنى الدور
ساكت ليه لما الجبنا
علو الصوت
رفعوا راياتهم
دهسوا ولادك حتى الموت
تعبـــِت يا بويا وأيه الحل ؟
دورنا اليوم ولا إمبارح
جاى للكل
شهداء
وعلى اسم ابويا
ها نوصل للبر
ساكت ليه يا ابويا أتكلم انا باتألم
دمعه بتنزل دمعه بتحرق جوه سكوتك
إبنك مستنى الرد
بأسال يا بويا سؤال
ليه الشر خسيس وجبان
مش ها يبان
ولا يعمل راجل
ضرب وقتل وكدب كمان !!!
إيه راح نعمل إيه الحل ؟
لما الموت جاى للكل
ساكت ليه قول أتكلم أنا بتألم
وجروحى بتنزف دم
روحى مش لاقيه سلام
او حتى كلام
رافع عينى
بأطلب دايماً ييجى الحل
ثقتى فى ربى إنك سامع
انا مستنى
ييجى الحل
—
دايماً للشر نهايه
واثق فيك حِن عليّه يا بويا جاوبنى
وإمسح دمع العين
أنت اله بتحب الدم ؟
ولا بتقصد خير
قصد الهى
وأنا بعيد
عنّه ولاهى
قول يا بويا ومد الإيد
قول يا بويا ومد الإيد
قبضة ربى قبضه حديد
كلمه ولازم ها تتم
وشوارع
تشرب م الدم
كلمه ولازم تتنفذ ان شروره تدمر فينا
و
يحاول يمسح أسامينا
وإيديه متلطخه دم
أيه الحل ؟
صوته بيعلى من حوالينا
بيغموا عنينا
بعد الجهل وكره الغير
بس
الهى هايعمل للخير
واثق
قصد الهى دايماً للخير
انا
بستنى وواثق فيك
ان
الشر يأثر فينا
يملا قلوبنا ولا عنينا
واثق
دايما فى الهى
انك حب وقلب حنين
اكيد ها تبين
انك خير
وان الشر ذى البير
لما بيغلى ولما تجف
واثق دايما فى الهى ان الامنا اكيد ها تخف
لما طيبك يشفى الجرح
اللى دويته بقى له زمان
كنا وكان
لما دهانك يمسح جرحى
انت يا ربى دايما فرحى
انت رجائى ومستنيك
تعمل للخير
ذى وعودك
ذى كلامك مستنى سلامك
ومستنيك
بأنده ليك إسمع صوتى
إرحم ابنك سمعنى الصوت
واحشنى كلامك
ويا حمامك
لما يرفرف فوق الراس
جوه صلاتك
او
قداس
ربى الهى
إسمك
ينداس من أعدائى !!!
قول أتكلم
جرحى
جواية بيتألم
مستنيك
واثق فيك
—
شاعر جريح ومتألم
أيمن وهبة
Afw
مدونة اللى يعيش ياما يشوف
http://bshara2011.maktoobblog.com
