شخصيات الكتاب المقدس

رودا الجارية

شخصيات كتابية

(رودا الجارية)


معنى اسمها وردة

رودا الجاريه


وكان ليها اسم تاني مشهورة به مانياس ومعناه المرأة المجنونة
ورد اسمها في اعمال الرسل 12
وكل ما ذكر عنها ان لما بطرس الرسل أخرجه الملاك من السجن ووقف على باب بيت مريم أم مارمرقس وخبط وسمعت صوته من على الباب جارية اسمها رودا ومن فرحتها جريت بسرعة واخبرت التلاميذ ولم يصدقوها
لكن لينا تأمل في الشخصية الجميلة لرودا وهنشوف صفات ما اخدناش بالنا منها قبل كده

1- رودا الخادمة الأمينة


بطرس وصل بيت مريم أم مارمرقس بعد منتصف الليل وكانت رودا سهرانة جنب الباب ده دليل أمانتها انها مستعدة للخدمة وقت أطول
ووجدت مريم فيها أمانة الخدمة الروحية بدليل انها كانت بتصلي معاهم من أجل بطرس

2- رودا المؤمنة


لاشك ان رودا عرفت صوت بطرس ومن صدمتها وفرحتها ما قدرتش تفتح الباب
وانها تعرف صوت بطرس اكيد كانت بتسمع عظاته وكلامه
كان خوفها تفرح التلاميذ ولا تفتح الباب ولو راحت تقول للتلاميذ وفجأة جم جنود هيرودس واتسجن تاني
لكن كانت واثقة في الاستجابة السريعة للصلوات

3- رودا والرد على التشكيك


لما راحت للتلاميذ لم يصدقوها وقالوا انه ملاكه
كانت ممكن تقول هو انا اكون احسن من يوحنا الحبيب اللي اتكأ على صدر المسيح ولا اندراوس اخو سمعان اللي فقدوا الأمل انه ممكن يكون عايش
وطبيعي ان شهرة اسمها مانياس يعني المرأة المجنونة انه مش هيتصدق كلامها
وايمانها البسيط وبخ عدم إيمان التلاميذ والرسل

(تعالوا نطبق اللي اتعلمناه)


1- خليك أمين في خدمتك وتذكر ان كل تعب تتعبه في الخدمة ليك اكليل وكل ما تتعب أكتر كل ما تتكلل اكتر
2- استفد دايما في كل اوقاتك اسمع كلمة ربنا من الكل واطلب كلمة منفعة من اصحاب المنفعة لما تزور دير اطلب كلمة منفعة واكتبها وفي وقت فراغك تصفح كلمات المنفعة واعمل بيها
3- مهما شكك الناس فيك وفي كلامك خليك واثق ان ربنا عمره ما يخيب ظنك
خليك في بساطتك لأن البساطة هي أقصر الطرق للسماء

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى