القسم الادبي
خجلى يغطينى
خجلى يغطينى
عرفت سبب جهلى ويأسى .. لما وقفت وقفه مع نفسى
عرفت ليه تاه طريقى .. عرفت سبب ضعفى وعجزى
عرفت أنى كنت السبب .. بأيديا زودت عليا التعب
مشيت وسبت النعمه ورايا .. واخدت مرار الدنيا معايا
شفت العذاب ذقت الحرمان .. عشت متهان فى كل مكان
أفتكرت وقولت يانفسى ده كان .. فى حضن أيويا كنت بنام
قولت ياريت أقدر أشرحلهُ .. أقولهُ سامحنى وبدموعلى أركعلهُ
أصلهُ أبويا على طول محتاجلهُ .. أصلهُ حنين ولازم أرجعلهُ
أنا مستحقش أكون أبنك .. أخطيت قدامك وعصيت أمرك
أقبلنى خلينى خادم عندك .. كفايتى وعشمى أكون جنبك
خجلى يغطينى وذنبى يعرينى .. وانا طمعان أرجعلك تحينى
خطيتى تقيله يا أبويا ودينى .. لحد بيتك جوه خبينى
