تمنى غالى
احيانا بنخاف من كوننا مسيحيين
مش كل الناس لكن فيه خوف جوانا ساكن ودفين
والام تقول لبنتها بلاش تطلعى الصليب من بره
بلاش تظهرى انك مش منهم
هما مين ؟؟؟
انا مش بهول ولا بسخر
الخوف موجود فى قلوبنا من سنين
موجود كلام كتير لكن خايفين
وانا كان نفسى اقولها
ايوه شايف بس خايف
انى اقول انك ابويا …. كنت مكسوف
اصلى عارف
انك انت لو مكانى تقبل الصلب عشانى
بس متشوفنيش بعانى ع الصليب
والدم نازف
كنت بتمنالى موتى والضلام ساتر سكوتى
كنت ناسى ان انت كاشف قلبى مهما كتمت صوتى
قلبى كان يصرخ بحبك
واللسان منطقش اسمك !!
كل آهه خارجه منك جرّحت صمت الشفايف
كنت واقف
هو ده حالك يانفسى وانتى بتدارى الايمان
لو صليب منقوش فى كفى بتداريه عن العيان
خايفه !!!
خايفه اصلك منسوباله
خايفه يخدوكى بداله
خايفه من اصوات الامه اصلها فوق الاحتمال
لا يانفسى
لا يانفسى بافتخار شاورى ع المصلوب ونادى
اللى مات شال عنى عار فاتح الملكوت قصادى
شاورى قولى ده مكانى
من حنان قلبه فدانى
قلبى قول
قلبى قول انا مش أنانى
تمنى غالى
تمنى غالى دم سال
