اوقات بحتاج اتكلم واحكيلك

اوقات بحتاج اتكلم واحكيلك ع اللى تاعبنى ..
يبكى القلب ويتألم واطلب منك تساعدنى..
والروح يسكن جوايا .. وبحس ان انا فى سمايا
وخلاص انا سبت ورايا .. خطايايا اللى بتألمنى

وبعد صلاتى ودموعى يفرح قلبى ويتهنى
يهنينى ابليس لرجوعى ويقول طب ليه تستنى ؟؟
خطوه بخطوه ياخدنى معاه وانا عامل اعمى على هواه
وامشى بطيشى وجهلى وراه .. وافوق على نار مش جنه

نفسى يارب بحق اكونلك .. كفايانى حيره مابين طريقين
مهما بحاول اوصفلك .. صعب اقولك مرضىى منين
ايوه العالم هيكون ضدى لكن وياك هقدر اعدى
انت فى وسط حروبه دى سندى وانت القايل راعى امين
انت القايل
راعــــى أمـــــــين