انا ابنك يارب

ما تنسانيش ماتسبنيش
خلينى معاك وبيك اعيش
حتى لو انا بعيد عنك ما تظلمنيش
انا ابنك يارب
رجعنى لو انا توهت
سامحنى لو كنت غلط
متخلنيش اظلم حتى لوانا اتظلمت
سامحنى على الغلط لو عملت
فكرنى لو كنت نسيت
امسح دموعى لو بكيت
رايحنى لو اتخنقت

انا ابنك يارب
متخليش الشيطان يحاربنى
بينى وبينة سور عالى ابنى
قادر عنة تبعدنى
ولو يئست صبرنى
ولو خسرت كسبنى
ولو ما فهمتش فهمنى
بالحكمة علمنى

انا ابنك يارب

علمنى ازى اسامح
ومكنش فى يوم جارح
راجعنى فى عز مانا رايح

انا ابنك يارب

عيزك تثبت فيا
وحبى يطرح ورد حواليا
وشيل كل الدمع من عنيا
والبعيد قربة ليا
انا ابنك يارب

متخليش نفسى حيرانة
متسبش عينى سهرانة
موت كل الشوك جوانا
وانا مش خايف طول مانت معيا

انا ابنك يارب
خليك معنا فى عز النار
وشوك الصبار يطرح ازهار
ولو حد غدر بيا مكنش انا غدار
مانت عارف كل حاجة ومفيش بنا اسرار

انا ابنك يارب

عشان كدة انت وكيلى
عارف ان انت ممكن كتير تعملى
ااقل مافيها ترحمنى
من اى ظالم عايز يظلمنى

انا ابنك يارب
يعنى ابن ملك
وابن الملك ما بيتزلش
يعنى كل اعدئى تهلك
والعالى ديما ما بينزلش

انا ابنك يارب

عيزك تجرى جوة منى زى دمى
وميكنش اغلى منك فى قلبى
انام وانت نايم فى حضنى
وانا ضعيف سمعنى صوتك وانت بتقول ابنى
وانا قوى اكسرنى احسن الشيطان يغرنى
وبسبب غرورى يغلبنى

انا ابنك يارب

عيزك تسكن جوة بيتى
وتكون اهلى و كل عزوتى
وتفرجها عليا فى عز شدتى

انا ابنك يارب