القسم الادبي
امل لقاك
كفاية فراق وبعاد
كفاية عذاب وترحال
كفاية سفر وغربة وعناد
اولها كانت غربة وسفر لبعيد
قلنا نستحمل
كلها سنين وهاتفوت
وخلاص قرب معاد اللقا
قربنا نتقابل
قربت اشوف عمرى اللى بعد عنى
ولما قرب المعاد جه وقال
غربتنا هاتطول
ده انا رايح مكان بعيد
يعنى خلاص؟
مش هاشوفك تانى؟
مش هالمس ايدك تانى؟
ماحنا قلنا خلاص هانتقابل
ليه تبعد تانى؟
غربتنا الاول كانت لينا
لكن دلوقتى غربتنا بقت موت لينا
بعدت عنك حبيبى وانا كلى امل فى لقاك
لكن دلوقتى خلاص
بس هاعيش على الامل ده
وهافضل اعيش عليه
امل لقاك
