تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة
يمكنك البحث فى الموقع للوصول السريع لما تريد



قسم المسرح الكنسي يناقش كل ما يخص المسرح من تمثيل ورويات وتاليف وموسيقى وديكور ومؤثرات صوتية

مشاهدة صفحة طباعة الموضوع مشاهدة صفحة طباعة الموضوع أرسل هذا الموضوع إلى صديق أرسل هذا الموضوع إلى صديق


مسرح عرايس لعيد الام من تاليفي

مسرح عرائس عيد الام صباح الخير ياماما صباح النور ياحبيبي الفطار جهز ياماما اه ياحبيبي جاهز من بدري من بدري يعني زمانه برد روحي سخنيه تاني حاضر ياحبيبي من عينيا

اضافة رد

 
أدوات الموضوع انواع عرض الموضوع

رقم المشاركة : ( 1 )
الصورة الرمزية كراكيب
كراكيب
ارثوذكسي بارع
كراكيب غير متواجد حالياً
 
رقم العضوية : 14367
تاريخ التسجيل : Jan 2008
مكان الإقامة : في بيتنا
عدد المشاركات : 1,663
عدد النقاط : 12
قوة التقييم : كراكيب is on a distinguished road
افتراضي مسرح عرايس لعيد الام من تاليفي

كُتب : [ 03-16-2010 - 05:54 PM ]


مسرح عرائس عيد الام

صباح الخير ياماما
صباح النور ياحبيبي
الفطار جهز ياماما
اه ياحبيبي جاهز من بدري
من بدري يعني زمانه برد روحي سخنيه تاني
حاضر ياحبيبي من عينيا
( تدخل الام وتخرج اخته دبدوبة )
انت ياواد يابندق انت بتكلم ماما وحش كدة ليه
وانتي مالك انتي متخليكي في حالك
يعني ايه اخليني في حال المفروض انك تحترم ماما اكتر من كدة
حاضر يااستا>ة المرة الجاية ويالله اغسلي وشك عشان تكويلي القميص
وانت متكوهوش لنفسك ليه
خلاص خلاص ايه ده مبقاش في محبة في البشر ياربي
ياسلام وانت بقي اللي المحبة مالية قلبك وعمال تقول لماما روحي سخنيلي الاكل وانا اكويلك القميص وانت قاعد مبتعملشي حاجة
الله ماانا ب>اكر
بت>اكر عشان تنجح يعني بتعمل ده عشان نفسك وبس
طيب ماانتوا بتفرحوا لما بنجح
طبعا بس اكيد انت بتفرح اكتر
يعني مش هتكوي القميص م الاخر
لاياسيدي هيتكوي بس ياريت تبقي احسن من كدة معايا انا وماما
حاضر بقولك ايه صحيح يادبدوبة
نعم عاوزني امسحلك الجزمة بالمرة
لا مافيش داعي انا مش هلبس الجزمة ممكن تمسيحلي الكوتشي بس انا كنت عاوز اسالك عن حاجة
خير
اصل انا بصراحة بالصدفة امبارح بامانة بالصدفة شفت في الرف بتاعك من تحت اللي انتي قافلاه بالقف بالصدفة بامانة شفت تحت كتبك هدية كدة ملفوفة هي الهدية دي لمين ليا انا صح
اولا انت ايه اللي خلاك تدور في حاجتي ده غلط ده اسلوب وحش ثانيا هو انت مجبتش هدية
جبت هدية اجيب هدية لمين ليكي يعني هو انتي يعني عشان جبتيلي هدية يبقي المفروض انا كمان اجيبلك هدية
هدية ايه اللي انا جبتهالك انا مجبتلكشي اي هدايا
الله امال الهدية دي لمين لواحدة صاحبتك
لا مش لواحدة صاحبتي انت بجد متعرفشي الهدية دي لمين
لا
طيب خش جوة بص في النتيجة عشان تعرف انهاردة كام وعيد مين
طيب
( يدخل دبدوب وتقول دبدوبة كلمة للاطفال )
شفتوا ياولاد دبدوب نسي عيد ماما مع ان ماما دي هي اللي بتصحي بدري عشان تجهزلنا الشنطة واللبس والاكل ولو احنا في مرة مثلا عيينا بتنام جنبنا وبنعييها وبعد كدة احنا مبناخدشي بالنا منها زي ماهي مابتاخد بالها مننا وكمان ساعات هي بت>اكرلنا يبقي اقل حاجة اننا حتي نقولها بس كل سنة وانتي طيبة حتي لو مخدناش اي هدية
( ياتي دبدوب )
انا جيت انهاردة عيد الام انا زعلان قوي
بقي تنسي عيد الام يادبدوب هو ده برده يصح
لا طبعا ميصحش والمشكلة بقي ان انا صرفت كل فلوسي ومعييش اي فلوس عشان اجيب بيها هدية لماما
طبعا لانك مكنتش بتحوش زيي ولا كنت عامل حسابك انك هتجيب لماما هدية مع انها هي عمرها مانسيتنا ولا نسيت عيد ميلادنا بيبقي امتي
خلاص بقي يادبدوبة وبعدين انا واثق ان اختي حبيبتي هتسلفني
مين اختك حبيبتك دي هو انت ليك اخوات غيري
الله ماانا اقصدك انتي طبعا
منين ماانا كل اللي كنت محوشاه جبت بيه هدية لماما
طب وبعدين هعمل ايه انا دلوقتي
صلي لربنا وهو هيبعتلك هدية
بجد تفتكري ممكن
اه ممكن لو صليت من قلبك لبابا يسوع هو هيديك حتي فكرة
طيب انا داخل اصلي
( يدخل ليصلي وتخرج امه وتسال عليه )
الله امال فين اخوكي ياحبيبتي انا سخنتله الاكل
هو بيصلي وجاي ياماما ياحبيبتي
بيصلي طيب كويس ماتيجي احنا كمان نصلي يادبدوبة ماشي ياماما
( وهم يصلوا نسمع طرقات ع الباب مثلا وتظهر عروسة اخري )
اهلا ازايك يامس
ازايك ياطنط كل سنة وحضرتك طيبة
وانتي طيبة ياحبيبتي
امال دبدوب فين
جوة هخش اندهلك عليه
( تدخل الام ويخرج دبدوب )
انا جيت اهو ازايك يامس
ازايك يادبدوب انا زعلانة منك علي فكرة
انتي كمان زعلانة مني يامس علي كدة انا مفيش حد بيحبني بقي انهاردة
لا يادبدوب كلنا بنحبك بس انا زعلانة عشان انت مجيتشي امبارح مدارس الاحد
اه اصل انا راحت عليا نومة وماما قعدت تصحي فيا وانا برده مصحيتشي
طيب يادبدوب ياريت متعملشي كدة تاني
حاضر يامس
واتفضل ياسيدي
ايه ده ياميس
دي ياسيدي هدية عيد الام اللي وزعناها امبارح قلت اجي اديهالك عشان تديها لماما
شكرا يامس لا ثواني شكرا يابابا يسوع لانك سمعتني
ايوة جدع يادبدوب اي حاجة ناخدها م المس او من ماما نشكر بابا يسوع عليها وبعديها برده نشكر ماما او الميس طيب انا همشي بقي
( تدخل الام )
رايحة فين يامس ثواني والعصير هيكون جاهز
معلش ياطنط ده انا رايحة الشغل وكدة هتاخر يالله مع السلامة
مع السلامة
خلاص هجيبلكم ياولاد الفطار والعصير واجي
شكرا ياماما
بص يادبدوب
ايوة يادبدوبة
انا دلوقتي هقول لماما ان الهدية بتاعتي انا وانت جايبنها سوا عشان هي متزعلشي
لا يادبدوبة ياحبيبتي احنا كدة هنكون بنكدب وبعدين انتي افتكرتاي وانا لا وبابا يسوع بعت لي هدية انا هديها لماما وهي مش هتزعل مني
خلاص يادبدوب اول لما ماما تيجي نديها الهدية
( تدخل الام ويحتفلوا بعيد الام



رد مع إقتباس
Sponsored Links
بياناتي
 رقم المشاركة : ( 2 )
magdy totti
ارثوذكسي فضى
رقم العضوية : 46462
تاريخ التسجيل : Jan 2009
مكان الإقامة :
عدد المشاركات : 3,840
عدد النقاط : 24

magdy totti غير متواجد حالياً

افتراضي رد: مسرح عرايس لعيد الام من تاليفي

كُتب : [ 03-16-2010 - 06:15 PM ]


الفنان فنان ياامان
بجد جميلة اوووى يا ميلاد
كان نفسى ااعملهاا فى الخدمة بس لااااسف مش هاا ينفع
علشاان ضيق الوقت
ميرسى كتير يا فنان وعاايزين حااجات تاانية كتير

رد مع إقتباس
بياناتي
 رقم المشاركة : ( 3 )
bassem8800370
واحد من ابناء يسوع
رقم العضوية : 52049
تاريخ التسجيل : Feb 2009
مكان الإقامة :
عدد المشاركات : 4,193
عدد النقاط : 26

bassem8800370 غير متواجد حالياً

افتراضي رد: مسرح عرايس لعيد الام من تاليفي

كُتب : [ 03-17-2010 - 12:17 AM ]


بجد حلوه اوووووى ربنا يباركك


رد مع إقتباس
بياناتي
 رقم المشاركة : ( 4 )
كراكيب
ارثوذكسي بارع
رقم العضوية : 14367
تاريخ التسجيل : Jan 2008
مكان الإقامة : في بيتنا
عدد المشاركات : 1,663
عدد النقاط : 12

كراكيب غير متواجد حالياً

افتراضي رد: مسرح عرايس لعيد الام من تاليفي

كُتب : [ 02-15-2012 - 05:16 PM ]


كل سنة وانتم طيبين
وكل ام طيبة بالف خير


رد مع إقتباس
بياناتي
 رقم المشاركة : ( 5 )
ريم الخوري
ارثوذكسي فضى
رقم العضوية : 39544
تاريخ التسجيل : Nov 2008
مكان الإقامة :
عدد المشاركات : 3,805
عدد النقاط : 65

ريم الخوري غير متواجد حالياً

افتراضي رد: مسرح عرايس لعيد الام من تاليفي

كُتب : [ 03-03-2012 - 08:55 PM ]


جميلة اوي كراكيب الرب يقويك ويبارك تعبك


رد مع إقتباس

اضافة رد

مواقع النشر (المفضلة)

الكلمات الدلالية (Tags)
الام, عرايس, تاليفي, مسرح, من, لعيد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ترنيمة جميلة لعيد الام moka_14487 الترانيم الروحية 3 03-13-2009 10:42 AM
القديسه الام كيريه اسكندر ay2007 حياة القديسات 10 06-08-2008 09:40 AM

Rss  Rss 2.0 Html  Xml Sitemap SiteMap Info-SiteMap Map Tags Forums Map Site Map


الساعة الآن 01:27 PM.