[magdy totti]

انا لا اعلم با ان احد يتكلم فى هذا الموضوع من قبل
ولكن اعلم جيدا انا الكل يريد ان يفير هذه الماده من الدستودر
وانا فرحت جدا على ان الكل بدء يتكلم ويطلب با لتغير
الكل يتكلم ومتفائل ومهتم جدا ويفكر فى حلول ايجابية الكل يفكر بصوت عالى الكل يهتم
كبير وصغير الكل لايخاف لان الان لا يوجد مكان للخوف
ارجو الا يفهم كلامى خطا


بس عايز الكل يفكر ازى نبتدى ونطلب من فين

[magdy totti]

جروب الحمله ع الفيس بوك


http://www.facebook.com/no.share3a?v=info

[emmmy]

انا موافقة كلام سامو دى مجازفة وليها ابعاد خطيرة
اوك يا مجدى اتكلم زى ما انت عاوز براحتك
وانت يا ميلاد عاوزة اقولك حاجة يا متر يا دارس القانون
انت عارف كويس ان المشكلة اللى بتتكلموا فيها دى مش
خاصة بالدستور بس لكنها شريعة اسلامية
ومعنى انكم تطلبوا تغيير فى المادة التانية يبقى بتقولهم حكم الشريعة بتاعتكم ظالم ودة محدش هيقبلوا ابدا ولا هيعترف بية منهم
يا جماعة بالراحة حتى على اسؤا فرض لو دة حصل ولو بنسبة واحد فى الميلون دة حصل
التنفيذ هيبقى صعب ليهم هما جدا جدا وبعيد عن القانون اهو
يعنى منهم فى بعض لو واحد فكر يغير دينة منهم
حكم الشريعة بعيد خالص عن القانون اهو هيقول برضوا دة يتقتل
واوعى يا ميلاد تقولى هنا يتدخل القانون ويحميهم ويعطى الحرية للمواطن المصرى فى الاختيار لحسن ازعل منك بجد
لحسن كدة مش هتبقى متر خالص


وعلى فكرة --
انا مش موافقة خالص على فكرة انة يتشال الديانة من البطاقة دى
لية يعنى ؟؟
بصراحة مع احترامى للرائ دة ومحدش يزعل منى
انا حسيت ان هى دى الثعالب الصغيرة اللى حذرنا منها المسيح
النهاردة هنشيل الديانة من البطاقة وبكرة هنشيل الصليب مع على صدورنا
لالالالا
من ينكرنى قدام الناس انكرة قدام ابى الذى فى السموات
ولازم ندخل انجيلنا فى كل حاجة ونكون انجيل معاش مش بالكلام والوعظ على منابر الكنائس
احنا مسحيين فى البطاقة وفى كل حاجة

[emmmy]

اللينك بتاع سامو يؤكد مخاوفى

[ماروجيرافك]

سلام ونعمه ليكم جميعا
طبعا اتأخرت كتير في الر د علي الموضوع وده لعدم تواجدي الفتره الي فاتت
المهم احب اقولك يا مجدي فكرتك جميله اوي يا غالي
بس للاسف مش انت الي تطالب بيها بمعني لازم تكون في جهه معينه من قاده مسيحين وللاسف من اول يوم في المظاهرات والقاده المسيحين والكنيسه اعلنوا عدم تدحلنا بل طلبوا منا عدم المشاركه في الاحداث
ممكن تقولي قد ايه مننا نزل الميدان وقال رائي سؤاء اي كان رأيه طبعا عدد قليل جدا وهقولها لتاني مره بل لعاشر مره هناك في الميدان لا يوجد مسيحي ومسلم يوك مصرين وهذا ما شاهدته بنفسي
فكيف بعد ذالك تقول لنا الحق في تغير ماده او يكون لك مجرد راي اعتقد انك فهمتني يا غالي
هي كانت فرصه وللاسف طيعناها
ربنا يباركم

[كراكيب]

[QUOTE=emmmy;771077]

وانت يا ميلاد عاوزة اقولك حاجة يا متر يا دارس القانون
انت عارف كويس ان المشكلة اللى بتتكلموا فيها دى مش
خاصة بالدستور بس لكنها شريعة اسلامية
ومعنى انكم تطلبوا تغيير فى المادة التانية يبقى بتقولهم حكم الشريعة بتاعتكم ظالم ودة محدش هيقبلوا ابدا ولا هيعترف بية منهم
تفسيرك مش مظبوط ياايمي وبعدين لو افترضنا ان تفسيرك صح يبقي ليه منفكرش بطريقة عكسية ونقول ان معني انه بيحكم الشريعة الاسلامية يبقي هو بيرفض باقي الشرائع ليه هما ميقبلوش ده واحنا نقبل ده احنا كمسيحيين موجودين بمصر قبل وجود الاسلام ولن اقول او احاول ان اقول ان يتم الاستناد للشريعة المسيحية ولكن يجب ان تحكمنا قوانين وضعية تكون متفقة مع الكل او لنجعل مسائل الاحوال الشخصية والميراث خاصة بكل شخص بحسب ديانته
يا جماعة بالراحة حتى على اسؤا فرض لو دة حصل ولو بنسبة واحد فى الميلون دة حصل
التنفيذ هيبقى صعب ليهم هما جدا جدا وبعيد عن القانون اهو
يعنى منهم فى بعض لو واحد فكر يغير دينة منهم
حكم الشريعة بعيد خالص عن القانون اهو هيقول برضوا دة يتقتل
واوعى يا ميلاد تقولى هنا يتدخل القانون ويحميهم ويعطى الحرية للمواطن المصرى فى الاختيار لحسن ازعل منك بجد
لحسن كدة مش هتبقى متر خالص

• مش مشكلة القانون ان في ناس خارجة عنه وبعدين القانون لم يصرخ وهو يستند للشريعة الاسلامية بقتل المرتد هذا الحكم غير موجود بالدستور يعني مالوش اي علاقة بالموضوع اللي احنا بنتكلم فيه

وعلى فكرة --
انا مش موافقة خالص على فكرة انة يتشال الديانة من البطاقة دى
لية يعنى ؟؟

• وليه تفضل موجودة

بصراحة مع احترامى للرائ دة ومحدش يزعل منى
انا حسيت ان هى دى الثعالب الصغيرة اللى حذرنا منها المسيح
النهاردة هنشيل الديانة من البطاقة وبكرة هنشيل الصليب مع على صدورنا
لالالالا
من ينكرنى قدام الناس انكرة قدام ابى الذى فى السموات
ولازم ندخل انجيلنا فى كل حاجة ونكون انجيل معاش مش بالكلام والوعظ على منابر الكنائس
احنا مسحيين فى البطاقة وفى كل حاجة

• ياايمي محدش طبعا هيقدر يقولك ان انكار المسيح غلط لكن غايتنا من عدم وضع الديانة ليس انكارنا للمسيح او ماشابه ولكن لاحساسنا الحقيقي بانها تخلق اختلافات بيننا هل احد سيشك مثلا ان شخص اسمه جرجس مسيحي بالطبع لا ولكن لاينبغي ان توضع الديانة احنا بنتكلم ياايمي علي منظومة علي بعضها علي فكر خاطيء سائد لكن طبعا احنا ضد اي انكار

[aymonded]

سلام لنفسك يا أجمل مارو ، إننا لم نضيع الفصة يا جميل لأن في الميدان لا يوجد مسيحي ولا مسلم بل مصري كما تقول ، ومعنى كلمة اننا ضيعناها نتكلم على أساس أننا مسيحيين أرثوذكس ، وهذا طبعاً مرسخ في أذهان البعض ولا يستطيعوا الفكاك منه ، لأنهم ينظرون للأمور على أساس أننا كمسيحيين ضيعنا مطالبنا بالحق الدستوري ، ولكن الواقع المفروض أن يكون اننا كمواطنين مصريين نطلب بحقنا الدستوري مع كل أخ لنا في نفس ذات الوطن ، وكلامك يؤكد - عن دون قصد - النبرة الدينية التي لم تكن في قصدك على الإطلاق لأنك تقصد أننا كمصريين نتحاور وندخل في الإطار الشرعي كمصريين فقط بدون إصباغ أي نبرة دينية أو اي تقاعص عن أي دور حقيقي لنا على أساس أننا مصريين ومصريين فقط ...

أما بالنسبة للقادة الكنسيين ، هذا هو رأيهم الشخصي غير الملزم وطنياً ، بل لا يتعدى الرأي الشخصي لأنه ليس قضية لاهوتية من اختصاص المجمع المقدس أو الكنيسة عموماً ، لأنها قضية وطنية لا ينبغي التدخل الديني فيها بأي حال أو شكل من الأشكال ... والرأي هو رأي شخصي فقط لا غير ، أن التزم به البعض على أساس ديني فهذا عن دون وعي ، وعدم الخلط ما بين الاختصاص الديني والاختصاص السياسي والوطني ، وهذا ما نطالب به على جميع المستويات ، لأن اي تدخل ديني من أي طرف أو طائفة - في هذه الظروف - كفيل أن يفسد المطالب الوطنية وحصرها في الاتجاه الطائفي الذي نعاني منه على جميع المستويات حتى بداخل الطائفة نفسها ، وعدم الحرية في اختيار ما يتناسب مع كل شخص وقناعته الشخصية بدون الخلط في الأمور أو التدخل السافر في إرادة ألاخرين ...

أقبل مني كل حب وتقدير ؛ النعمة تملأ قلبك سلام ومسرة آمين

[magdy totti]

المشاركة الأصلية كتبت بواسطة ماروجيرافك سلام ونعمه ليكم جميعا طبعا اتأخرت كتير في الر د علي الموضوع وده لعدم تواجدي الفتره الي فاتت المهم احب اقولك يا مجدي فكرتك جميله اوي يا غالي بس للاسف مش انت الي تطالب بيها بمعني لازم تكون في جهه معينه من قاده مسيحين وللاسف من اول يوم في المظاهرات والقاده المسيحين والكنيسه اعلنوا عدم تدحلنا بل طلبوا منا عدم المشاركه في الاحداث ممكن تقولي قد ايه مننا نزل الميدان وقال رائي سؤاء اي كان رأيه طبعا عدد قليل جدا وهقولها لتاني مره بل لعاشر مره هناك في الميدان لا يوجد مسيحي ومسلم يوك مصرين وهذا ما شاهدته بنفسي فكيف بعد ذالك تقول لنا الحق في تغير ماده او يكون لك مجرد راي اعتقد انك فهمتني يا غالي هي كانت فرصه وللاسف طيعناها ربنا يباركم

شوف ياماريو احنا بنتكلم علشان نعرف مين القاده دول اللى يتكلموا
وع فكره فى عدد اتكلم فى الميدان بالغاء او تغير الماده التانية
بس العدد مكنيش كتير وده اللى خلى صوتنا مش مسموع
وعايز اقولك كمان انه بقى حديث كل الميسحين وكمان طلعت مظاهرة تتطالب بده
وصوتنا وصل للبابا نفسه عن طريق حمله موجوده ع الفيس
ولكن انا مع اختيار الوقت للمطالبه بده
كل يوم الايام بتزاد سوء
ومحدش عارف ازى يطلب ده وازى الكل يطلب ده
اما عدم تواجدنا ده لاننا مش مع اللى بيحصل دولقتى

[aymonded]

أشكرك يا أجمل ميلاد على ردك وتوضيحك الممتاز
وأحب أن اقول معك موضوع إزالة الديانة من البطاقة لا يعني إطلاقاً إنكاراً للإيمان ، بل المفروض أن لا يهتم أحد في الوطن أن يعرف ديانة الآخر ، لأن هذه قضية لا تخص الانتماء الوطني ، لأن معنى وجود الديانة في بطاقة شخصية تعرض على الجهات المعنية ، هو أنها تميز ما بين دين وآخر وتتعامل مع كل شخص في حدود التدخل في حريته الخاصة والتمييز بين شخص وآخر على أساس المادة الدستورية ألثانية !!!

وبالطبع الموضوع لا علاقة له بإنكار المسيح الرب من عدم إنكاره ، لأن هذه نقره وهذه نقرة أخرى ، وكلاهما بعيد كل البعد عن الآخر تماماً !!!!
والإنكار ليس بموضوع البطاقة بل سلوك وحياة ، لأن بحياتي المفروض أظهر إيماني أولاً ، وحينما يطلب مني أن أنكر الرب في موقف أو أمام مشكلة ما ، فاني أرفض ولا أنكره إطلاقاً لأنه هو حياة نفسي الحقيقي ... النعمة معكم كل حين

[magdy totti]

المشاركة الأصلية كتبت بواسطة اناستاسيا يا جماعة انتم بتقولو اية دة على اساس ان اللى جاى هيكون ديمقراطى وهيوافق على كل التغيرات اللى بتم واللى بتطلبوها البلد مش هتخرج من ايد الاخوان وفى هذة الساعة مش هينفع تغير دستور ولا غيرة دى هتكون شريعة سعودية سلفية ربنا يستر ويحافظ على شعبة

ومين قال بس ان الاخوان هما اللى ها يمسكوا البلد
محدش يقدر يقول كده
لان فى او معظم المصريين مش عايزين كده
وبعدين لو اتغيرت دولقتى اى كان النظام اجاى هايكون فى دستودر يحمينا منه
ومحدش يقدر يفكر بعد كده انه يجى ع حد لانه عارف اااية اللى ممكن يحصله
زى ما حصل لغيره