رد: +++((( أسئلة عن الصوم وإجابتها الكنسية )))+++
كُتب : [ 03-22-2011
- 09:33 AM
]
أنا آسفة جدا ومع احترامي لكن الاجابات مش كلها مقنع وصحيح يعني مثلا اننا نستشهد بالعهد القديم في موضوع الصيام مثلا ده مينفعش لأن الرب يسوع جاء ليكمل الناموس اي هو كمال الناموس ولم يؤكد على ولا آية من آيات الاكل النباتي وبعدين هو كان بيأمر ناس معينين ياكلوا البقوليات او الطعام النباتي وليس هناك ولا آية يأمر الله فيها الناس أن يصوموا بزيت او فول او اي طعام نباتي وعندما تم الاستشهاد بآية من العهد الجديد للصوم في اوقات معينة استخدمتم الآية من لو 18:12 واللي فيها الفريسي بيصلي وبعيدا عن ان ده اصلا صلاته كانت لمديح ذاته فهو ماشي برضه بنعاليم الناموس يعني العهد الجديد وبالنسبة بقى لكلام بولس الرسول هو كمل الآية اللي ذكرتوها قائلا "لا يحكم أحد عليكم في في اكل او شرب ..أو من جهة عيد او هلال او سبت.. فلماذا تفرض عليكم فرائض لا تمس ولا تذق ولا تجس التي لها حكاية حكمة بعبادة نافلة(أي زائد عن اللزوم او غير ضروري او غير اساسي ) وتواضع وقهر الجسد ليس بقيمة ما من جهة اشباع البشرية (كو 3) وبلور بولس كلامه في النهاية بجملة فيها الخلاصة وهي( اهتموا بما فوق لا بما على الأرض) (كو2:3 ) يعني لو ركزنا اكتر في المسيح والحياة الابدية معه عن طريق الصلاة والسهر وتدريب النفس على المحبة والبذل و...وغيرها من الصفات الجميلة التي تليق بأولاد الله احسن ما نقعد نركز في الاكل ( صيامي ولا فطاري ) وعلى رأي أحدهم (يعني اللي بياكل جمبري واستاكوزا وبوري مشوي يبقى صايم واللي بياكل مش يبقى فاطر ؟!) من فضلكم تفكروا شوية في الكلام ده وتقللوا شوية من التفكير في موضوع الاكل الصيامي والاكل الفطاري دي كلام مالوش معنى ويضحك ويحزن في نفس الوقت يعني متهيألي ان الواحد لما ينوي يصوم لغرض معين جواه يبقى ينقطع عن الطعام وميفكرش فيه اصلا وبعدين لما ينتهي من فترة الانقطاع ياكل اي حاجة قدامه وخلاص وياكل منها لقمة خفيفة ودي لازم تبقى حياتنا كمؤمنين بشكل مستمر مع التأكيد ان الصيام مش من أساسيات الأيمان يعني اللي مش بيصوم خالص بس له علاقة حية مع الله وشركة مستمرة مع الرب يسوع ... مش هكل هسيب لم ايها القارئالعزيز تكملة الكلام والرب يكون معاكم دائما ولا تنسوني في صلواتكم
أختكم الخاطية مريم
|