[جناح المسيح]

احكى يا قلبى وقول

احكى يا قلبى وقول
على خدعنى واللى جرحنى واللى زمان من غدره دبحنى
واللى مجاش ولا قالى سامحنى وعايشها بالطول
احكى يا قلبى وقول
ع اللى نسينى واللى رامينى واللى فى بعده بتدمع عينى
واللى هيفضل باقى سنينى عنى بعيد مشغول

احكى يا قلبى وقول
ياما هويته وياما حبيته وكتر فى حبى زمان اديته
فجاه لقيته بيبعد عنى وبيخدعنى وبيقسى علطول
احكى يا قلبى واقول
على ايامنا وعلى احلامنا وعلى ماضينا ومستقبلنا
وازاى هد بايده املنا وقال انا مش مسئول

احكى يا قلبى وقول
ع اللى فاتنا زمان فى اهاتنا ونهاية القصة اللى جابتنا
على رقابتنا لا وغيبتنا على قلبه بتهون
احكى يا قلبى وقول
على ليالينا وحبنا فينا وياما ادينه وياما ضحينا
وياما بكينا دمع عنينا لما لقيته بيخون

احكى يا قلبى وقول
ع اللى سقانى الجرح بايده وكل ما ببعد عنه يزيدوا
نار الحب فى قلبى يقيدوا ولا كان عمره يطول
يوصل ليا ولا لعنايا ولا كان يحلم
ولا كنت افهم انه هيظلم قلبى فى قربه ينول
كل قاسيه ودمع عنايا ينزل منى ويجرح فيا ويخلينى مكسور

احكى يا قلبى واقول
مهما انا هحكى ومهما انا هبكى وافضل الوم على قلبى واشكى
ليه يا مشاعرى اتفركشتى وليه ما سمعتى لما انا قلت نقول
نبعد عنه ونهرب منه ومهما هيجى قصادنا نسيبه ومن فكرنا هيزول

احكى يا قلبى وقول
على خدعنى واللى جرحنى واللى زمان من غدره دبحنى
واللى مجاش ولا قالى سامحنى وعايشها بالطول
احكى يا قلبى وقول
ع اللى نسينى واللى رامينى واللى فى بعده بتدمع عينى
واللى هيفضل باقى سنينى عنى بعيد مشغول

من تاليفى
اذكرونا فى صلاتكم
انطونيوس جرجس

المصدر: †† ارثوذكس †† - من قسم: القسم الادبي