عرض مشاركة واحدة
بياناتي
 رقم المشاركة : ( 8 )
سيف الاسلام
ارثوذكسي شغال
رقم العضوية : 83383
تاريخ التسجيل : Nov 2009
مكان الإقامة :
عدد المشاركات : 86
عدد النقاط : 10

سيف الاسلام غير متواجد حالياً

افتراضي رد: ازاي انسي انسان بحبه

كُتب : [ 08-30-2010 - 11:54 PM ]


ازيكم

دي قصه بتفكرني بقصه حقيقيه مع حد من صحابي القريبين اوي
في قصه حب مع بنت مسيحيه .. وتقريبا اشبه بأرتباط ..
وربنا يستر ومش يكون في مشاكل


ممكن ارد عليكي ..
اولا مينفعش تقولي عايزة اكرهه او انساه ... لان اللي بيحب حد بجد .. مستحيل يعرف يكره او ينساه ..
لكن ممكن تقولي ازاي ابعد عنه .. ودي تقدري تعمليه .. بس بشرط يكون عندك الاراده والقدرة انك تعملي كده

ثانيا : ليه تقولي انك غلطتي لما دخلتي في صداقة مع حد مش من دينك ؟
لا انتي كنتي محتاجله في وقت من الاوقات ... وصداقته ملت عندك فراغ في حياتك .. بس انتي نسيتي ان الصداقه دي ممكن تصطدم بأساسيات في دينك ... يبقي الغلط مش في الصداقه نفسها .. لا الغلط في نظرة الناس والدين للصداقه دي

ثالثا : هو مستحيل يسيب دينه .. يبقي لو هترتبطي بيه .. تكوني انتي علي دينه .. لان العكس درب من دروب الخيال .. وكان لازم تحطي ده في اعتقادك من الاول .. وتخليها علاقه صداقه بس .. ومش تتطور لحب

رابعا : هو مستحيل يكون عمل كده عشان يوقعك في شباكه .. لانه مش مضطر يعمل كده .. ولو هو كده فعلا .. ما سهل عنده يعمل كده مع بنت من دينه .. ايه هيخليه يضيع كل الوقت والجهد ده وفي النهايه كل حد هيروح لحاله ؟

خامسا : انتي مغلطتيش لما اديتيله رقم موبايلك لانه مش هيؤذيكي لانه ده مش من طبعنا . ولو افترضنا انك غلطتي .. فده غلطك مش غلطه .. وهو مستحيل يستغل غلطك لانه حبك بجد .. وابعد ما تتخيلي انه ممكن يسببلك مشاكل

اخيرا .. انتي تقدري تنهي العلاقه دي بسهولة .. هتتعبي في الاول ... بس هترتاحي وتريحي الكل بعد كده ...
ابدأي بنفسك الاول .. وخدي قرار بينك وبين نفسك انك هتبعدي عنه للابد .. وان ده طريق مش هيكتمل ابدا .. ودوسي علي نفسك وهتبعدي ..
بغير كده .. هتفضلي تحبيه وهتلاقي نفسك كل يوم بتقولي انا محتاجاله

سوري لو طولت عليكي .. بس انا بجد عايز اوضحلك الصورة واساعدك