كُتب : [ 09-16-2010 - 03:12 PM ]
راح اتكلم بهالجزء عن التسوق في هولندا التسوق بشكل عام ممتع واللي يميزه اكثر واكثر ان عندهم محلات مو متواجده الا في هولندا وماتحصلونها في بلد ثاني راح اذكر لكم اساميهم في النهاية طبعا السوق اكثر شي متركز في شوارع مهمة مثل باقي الدول الاوروبية وقليل ماعندهم مجمعات او مولات امستردام بامستردام مكان التجمع اهو دام سكوير اللي يتجمعون فيه الناس وتكثر فيه الاستعراضات وده قصر الملكه وراح تشوفون حواليه المحلات واهم شارع اللي تكثر فيه المحلات اسمه Nieuwedijk-Kalverstraat وهذي اهم الصور له هني الشارع مزحوم لانه عيد الملكة عندهم وطبعا منتشرة المطاعم والكافيهات وغير متحف مدام توسو اللي متواجد في الدام سكوير وفي شارع الماركات عندهم اسمه Hooftstraat وهذي صور منه وفي ايضا مول مشهور في امستردام اسمه magna plaza وعلى فكرة المحلات فاتحة لي الساعة 7 بس يوم الخميس اللي مستمرة لي 9 روتردام التسوق في روتردام جدا ممتع وفي عندهم شوارع عديدة ومتفرعة انا عن نفسي استمتع بالتسوق بروتردام اكثر من غيرها من المدن وبالنسبة لموقعه ابدا مايضيع لانه قريب جدا من محطة القطاار والحين اترككم مع بعض الصور لاهاي( دين هاغ ) التسوق في لاهاي حلو واذا كنتوا مخططين انكم تروحون المدينة لازم تمرون على السنتر فيها وتشوفون محلاتها وهذي صورها يوترخت يوترخت فيها ميزة ان محطة قطارها عبارة عن مول يعني وانتوا بالمحطة تتسوقون ولما تطلعون من المحطة راح تكملون على شوارع وتفرعات كلها محلات وهذي صورها و هذي المحطة هني اول ماتدخلون راح تشوفون محلات كثيرة وهني بعد ماتطلعون من المحطة في شوارع كلها محلات ومطاعم ليدن ليدن فيها شغلة حلوة ان محلاتها تطل على الممرات المائية وهذي احدى صورها بالنسبة للمحلات في محلين ماتلاقونهم الا في هولندا يتميزون بحجمهم الكبير وان فيهم كل شي تحتاجونه 1. debijenkorf موقعه https://www.debijenkorf.nl/ محل كبير وادواره متعددة هذي صوره هذا اللي بامستردام من الداخل 2. V& D (Vroom&Dreesmann) موقعه http://www.vd.nl هم هالمحل كبير ويتكون من كذا طابق واللي يميزه اكثر ان فيه جمعية وكافيه وهذي صوره \ يتببببببببببببببببببببببب ببببع