[Dr.PeRO]

أحب أوضح حاجة ... يمكن تكون صح ويمكن تكون غلط ... انا سمعتها و صدقتها من أحد المرشدين الروحيين:

+ بالنسبة للوعد اللى إداه المسيح للقديسة مهرائيل أن اللى هايبني كنيسة على اسمها سايغفر الله له خطاياه ... انا عاوز بس اعرف حاجة كده صغيرة ... هو فيه اصلا كام كنيسة حاليا فى مصر كلها، وهل من السهل ان حد يبنى كنيسة ؟!! ده انك تبنى مقهى ليلى (كباريه) اسهل 1000 مرة من انك تفكر تجيب تصريح كنيسة !!!
ده يوضح حاجة، ان اللى بالحقيقة مصمم على بناء كنيسة وينجح بالفعل ببناءها ويكون ده من حر ماله، يبقى أكيد انسان كويس يستحق انه يكون "صديق" (وتعريف الصديق فى اكتاب المقدس: هو الشخص اللى بيسقط فى الخطية 7 مرات فى اليوم، اى رمز الكمال فى الحطية، ثم يقوم) وهذه ليست دعوة للخطية بل هى دعوة للتوبة، لأننا جميعا نحتاج لحياة توبة دائمة بسبب خطايانا المستمرة.
اذا .. بناء الكنيسة ليس أمر سهل كى يفعله أى أحد حتى لو كان غنياً .. على سبيل المثال لا الحصر، الشخص اللى بنى كنيسة الشهيدين مارجرجس ومارمينا يأطفيح اللى اتهدت دلوقتى .. ده اتقتل بعد ما بنى الكنيسة بكام يوم عام 2000
وده يعكس صعوبة بنى الكنائس ..
اما بخصوص غفران الخطايا كما تم ذكره فى الوعد، فهذا سهل على الله لكن ليس بالطريقة المباشرة التى فهمناها من الوعد، أى ان الشخص الخاطى اللى عمل الكنيسة ده ربنا هايساعده على التوبة الصادقة وهايديله قوة من عنده انه يقدر يعيش حياة التوبة والجهاد ضد الخطية .. فابلتالى هايتغفرله خطاياه وده اصلا مشتهى قلب الله ان الجميع يخلصون والى معرفة الحق يقبلون.
ده الاحتمال الأكبر، فى احتمال تانى ,, ان ربنا يسمح ان اللى يبنى الكنيسة يكون انسان بار اصلا يعيش فى توبة مستمرة ومايسمحش لحد خاطئ عايش فى الخطية انه هو اللى يبنيها (ده غير انه الحاطئ ده عمره ما هايفكر يبنى كنيسة الا لو عاوز يتوب عشان يبقى بار) .. وربنا اتحكم فى الموضوع ده قبل كده فى العهد القديم لما سمح لسليمان ببناء الهيكل لكن لم يسمح لداود !!!

اتمنى انى اكون وضحت وجهة نظرى