[رويس]

المشاركة الأصلية كتبت بواسطة elphilasouf صدقني لو الحاجات دي هي المكاسب بس من الثوره دي بيقي مصر أتغيرت 360 درجه فعلا ... ياريت فعلا دي وانا هحاول أنفز ال12 دول معادا رقم 5 شكرا رويس أعتقد من حقنا نعيش كمصريين في بلادنا ، لكن قدام ده لازم نتخلي عن كلمه أن مصر للأقباط !

ياريت بجد كلنا نبقي في ايد بعض ونشجع بعض
ومشمهم رقم 5 طالما مش هتأثر علي غيرك يبقي مفيش مشكلة، بس علي شرط متطلبش من غيرك انه يعمل زيك ههههه
بخصوص موضوع مصر للاقباط كويس انك قولت النقطة دي لاني عاوز اوضح حاجة، حسب الغزو الاسلامي اللي كان سنه 641 م ان مصر فعلاً كانت للمصريين او للمسيحيين بحسب انتشار المسيحية علي ايد مارمرقس وان المسلمين الاوائل هما اللي كانوا فعلاً مش مصريين ومصر مكنتش بتاعتهم، ولكن مع مرور 1400 سنه مهي الناس اتجوزت وخلفت ودخلت في تراب البلد وانصهرت فيها وبقوا مواطنين زينا زيهم، ليهم الحق فيها زي ما احنا لينا دا لما الواحد بيطلع بلد غربية بيقعد خمس سنين وياخد جنسية ويبقي ليه انتماء للبلد وحقوقة بتبقي زي اي حد عايش في البلد دي من قبله ... فأحنا كلنا مصريين وليست مسيحيين ومسلمين

المشاركة الأصلية كتبت بواسطة dody2011 ياة يا رويس لو بجد نعمل بكل الكلام دة ويبقي حقيقة ممكن دة يحصل يا رب احنا مستعدين للكلام دة بس فين ومين هيشجعنا علي كدة يا ريت احنا عايزين بلدنا تبقي احسن بلد طبعا ....بجد موضوع جميل اوي اوي وربنا يباركك علي تعب محبتك ...ويبارك في شباب مصر

احنا علي الاقل نعمله بينا هو وبين بعض في المنتدي وعلي سبيل المثال
محدش يكتب رد استفزازي لحد
يبقي عندنا نظرة اننا كلنا زي بعض مفيش مشرف احسن من عضو او عضو احسن من عضو
منبقاش سلبيين لما نشوف حاجة غلط بل نتحاول ونناقش ونقول ونتكلم
وكمان نشجع بعض ولكن مش بمجرد عبارات الواحد اتفقعت مرارته من كثرة ترديدها وقرائتها في ذات الوقت
علي مستوي البيت او الشارع علي الاقل محدش يرمي حاجه في الشارع، انا بامانه المسيح لما بيبقي في ايدي كيس بسكوت او شيبسي بعد ما بخصلة بطبقة واحطه في جيبي لغايه ما الاقي صندوق زباله او لغايه ما اوصل البيت
محدش يخاف انه يقول ان نده حقي لأ ، ندخل علي العميد او المدير بتاع المدرسة او مدير الشغل وأقولة يا فندم في كذا كذا
وان في تجاوز كذا كذا
ونرجع حاجه مهمه كلنا كنا بناخدها في المدرسة الا وهي (احترام الكبير والعطف علي الصغير)
وربنا معانا يارب