[عماد حسنى]

مش غريبه

مش غريبه لما تلاقى الكل بيتخان
وتبقى انت فى الاخر أنسان غلطان
مش غريبه لما تلاقى محدش حاسس بيك
واللى بيحبك قدامك من وراك بيجرح فيك

مش غريبه لما اللى تخلصلهم يطلعوا قاسين
يعرفوا ياخدوا وبس على طول عايزين
مش غريبه لما تحب ومحدش يهون عليك
وتلاقى اللى تقف جنبه هو اللى بإيده بيأذيك

مش غريبه لما تقرب وتخلص ويبعدوك
مش غريبه لما تأمنهم على نفسك وهما يبعوك
مش غريبه لما تلاقى اللى منك متفقين عليك
والجرح والخيانه من أقرب الناس ليك

مش غريبه لما تلاقى الحب شويه عبارات
مش غريبه لما تلاقى النتيجه أوجاع وأهآت
مش غريبه لما تلاقى الاحساس مالى الرويات
والحقيقه الوحيده هى الكرامه وحب الذات

مش غريبه لما تلاقى الكل عايش تعبان
مش غريبه لما تلاقى محدش حاسس بأمان
مش غريبه لما تلاقى اللى يخاف يفرح ويحب
مش غريبه لما تلاقى الكل ساكت حيران

مش غريبه لما تلاقى ظلم الناس
مبقتش فارقه اهى ايام وخلاص
مجبرين على حياه من غير احساس
مجبرين على دنيا مات فيها الاخلاص

الله يسامح اللى زيىّ وعشمان
يلاقى فى الدنيا سلام وأطمئنان
الله يسامح أسباب الاحزان
ويمسح دموع كل أنسان

المصدر: †† ارثوذكس †† - من قسم: القسم الادبي