بجد قصيدة تحفه (بقولك يا مصر ) orsozox page goka

on February 27 | in OrSoFaCe | by | with No Comments

‫بجد قصيدة تحفه (بقولك يا مصر )
orsozox page
goka


Timeline Photos
بقولك يا مصر ………..أكرم شحات
by Akram Shahat Abdo ·

بقولك يا مصر ..لتكوني نسيتي

أنا ابنك يا مصر. ولا ضيف عليكي !!

ابويا يا بلدي هو اللي بانيكي

ودلوقتي جاي الضيف بيطردني من بيتي !!

هوا أنتي كارهاني بس عشان ديني

الأم دي المفروض لو عُزت تديني

لو تهت واتجرحت وصرخت في انيني

القي حجارتك بيت يحميني .يأويني

انا عارف ان انتي .ولا يوم كرهتيني

ونيلك اصيل علي طول بيرويني

دا شويه من شعبك قالولك انسيني

كرهوا عشان ديني حتي سواد عيني

لو هما نسيوكي .ولا يوم انا نسيتك

وإن قالوا مصر تغور. قلبي يكون بيتك

وفي روحي هتعيشي .ومن قلبي حبيتك

ولما باعوكي بفلوس .بضلوعي انا حميتك

طب عارفه يا مصر لو يوم اتنكرت

في بلدي وقالوا خواجه وهجرت

وقالوا خياانه .انت بعت وسافرت

افتكري يا أمي زمان .في اكتوبر عبرت

وإن مره كرهوني ونفوني بعيد

وقالوا علينا جواري وعبيد

هرجعلك يا بلدي .وهيكون ده عيد

وهرجع بعلمي ابنيكي من جديد

ولو قالوا عني مالوش في الحروب

ده صنف جبان .سريع الهروب

صوتك..وإن داقت عليكي الدروب

ينادي يخلي قلوبنا تدوب

وإن قالوا يلا هنلغي الضريبه

ونخليها جزيه .عشان العقيده

أصلك اهل ذمه .والجزيه فريضه

قوليلهم اني ابنك من ازماان بعيده

وحتي أن قالولك دا ابنك عميل

وأمه امريكيه .وابوه من اسرائيل

قوليلهم ملعون الزمان العليل

لما قليل الاصل يهين الاصيل

http://www.facebook.com/KtabatAkramshahat

ومهما يحاولوا عنك يفصلوني

قلبي فداكي وروحي وعيوني

وحتي ان هانوني ونفوني وباعوني

..تهونلك كرامتي.ولا يمكن تهوني

A.S.A

أكرم شحات

لو عجبتك انشرها من فضلك :)
وللمزيد صفحتنا @[458980977490073:274:كتابات اكرم شحات] اشترك فيها
http://www.facebook.com/KtabatAkramshahat

orsozox page

Pin It

Leave a Reply

« »

Scroll to top