قصيده (صندوق الدنيا) orsozox page goka

on February 23 | in OrSoFaCe | by | with No Comments

‫قصيده (صندوق الدنيا)
orsozox page
goka


Timeline Photos
قصيده (صندوق الدنيا) – أكرم شحات
by Akram Shahat Abdo

واقف انا عمال بتفرج

ع ال بيبعد وال يقرب

وبشوف حال الناس بستغرب

صندوق دنيا بص وقرب

ناس تبكي من غدر حبيب

ناس تنهش ناس زي الديب

ودي ناس شغلاها مظاهر

ودي من الفقر بتتظاهر

وده بتقوله سلام بيقرب

وده بتقوله سلام يستغرب

وده فاضي وحياته ع الشات

وده مش فاضي وف امتحانات

وده بيصلي وده بيشيش

وده عريان وده متريش

وده قصره ليه سور متكهرب

وده من المطره مالوش مهرب

وده تعبان في الغربه المره

وده بيقول طياره هجره

وده نفسه يرجع لبلاده

وده بيسب تاريخ اجداده

وده كم عيل .مش دريان

وده نفسه يقولوا يا ابو فلان

وده يتعشي فته ولحمه

وده بيموت مخنوق من الزحمه

وابن فلان فرشوله الشارع

وده سموه كده ابن شوارع

وده بينام علي ريش لنعام

وده نومه وعشاه احلام

وحياتي مليانه كلام

كل صوره وليها عكس تمام

وبقول كله يا ربي لحكمه

وبسيب فكري يطير وبنام

لو عجبتك انشرها من فضلك :)
وللمزيد صفحتنا @[458980977490073:274:كتابات اكرم شحات] اشترك فيها
http://www.facebook.com/KtabatAkramshahat

Akram shahat abdo

A.S.A

orsozox page

Pin It

Leave a Reply

« »

Scroll to top