اعتاد ابونا بيشوى كامل كل يوم بعد الظهر ان ينام من ساعتين الى ثلاثة ساعات ، ولكى…

on February 23 | in ArT-FaCe | by | with No Comments

‫اعتاد ابونا بيشوى كامل كل يوم بعد الظهر ان ينام من ساعتين الى ثلاثة ساعات ، ولكى يرتاح كان يترك سماعة التليفون مرفوعة حتى لا يزعجه احد ويستطيع ان يرتاح فى هدوء .
لكن الكثير من المتصلين بابونا بيشوى ازعجهم هذا الامر جدا ، اذ ظنوا انه يوجد عطل فى التليفون،
اذ انهم كلما اتصلوا به وجدوا التليفون مشغول ، وهم لا يعرفوا ان ابونا بيشوى هو الذى يقوم برفع السماعه ،

ومن فرط حبهم وقلقهم على ابونا بيشوى ، اتصلوا بشركة الاتصالات ليبلغوا على هذا العطل.

ولكثرة الشكاوى ، ذهب بالفعل مندوب الشركة الى عنوان ابونا بيشوى ليقوم باصلاح هذا العطل ، وعندما رن جرس باب ابونا بيشوى دار بينهم الحوار الاتى :
مندوب الشركة : حضرتك ابونا بيشوى كامل ؟
ابونا بيشوى : ايوة يابنى خير فى حاجة ؟!
مندوب الشركة : جاتلنا شكاوى كثيرة عن عطل عندك فى التليفون …
ابونا بيشوى : ( باستغراب ) عطل !!! لا يابنى انا معنديش عطل فى التليفون
مندوب الشركة : ( باستغراب ايضا ) امال ايه لزمتها كل الشكاوى دى ، دا جيه اكتر من شكوى عن تليفونك ، ان فى ناس كثيرة بتتصل بيك وخاصة بعد الظهر وحضرتك مبتردش عليهم !!
ابونا بيشوى : ( مبتسما ) ايوة يابنى دا صحيح ، اصل انا برفع سماعة التليفون ساعتين بعد الظهر عشان اريح فيهم واقدر اكمل بعد الظهر …
مندوب الشركة : مش مفروض انت كاهن يعنى مفروض تخدم الشعب وتكون موجود لما اى حد يطلبك …
ابونا بيشوى : ( فى وداعته المعهودة مع ابتسامته ) ، حقك عليا يابنى انت عندك حق من انهاردا مش هيجيلك ولا شكوى عن الرقم بتاعى
– وبعدما تركه مندوب الشركة ، ابتسم ابونا بيشوى ونظر الى صورة السيد المسيح وفى ابتسامة قال له : (( الرســــــــالة وصلـــــــــــت )) ……..
– كل منا له ضعفاته ولكن الله الكثير الرحمة الجزيل التحنن لم يترك احد بل يوجهه ويعلمه ، حتى لو كان عن طريق ابسط الناس او اناس لم نكن نتوقع ان ياتى صوت الله عن طريقهم …
– ابونا بيشوى رغم انه كاهن الا انه قبل التوجيه من عامل صغير لاحساسه انه صوت الله ليه ، نحن ايضا لابد ان نتعلم من كل شخص حولنا ونستفيد لربما يأتى صوت الله عن طريق احدهم .

+++

كاتى‬

Fans of "The Cross"

Pin It

Leave a Reply

« »

Scroll to top