orsozox page goka

on January 31 | in OrSoFaCe | by | with No Comments

orsozox page
goka


Timeline Photos
قصة رووووووووووعة من كاتبنا المميز اللى دايما بتحبوا القصص بتاعتة : مينا فايز …

أعلان شطبنـــــــــــــــــــــــــــــــــــــا ::

الفرصة السهلة مشكلة خطيرة جدا….احنا مش بنعانى من فكرة الباب

الضيق لاننا مش وافقين عنده اصلا…طب تعالوا نعكسها…تعالوا نجرب

ميناااااااااااااااااااااااااااااااااااااااااااااااااااا

صوت صاحبى المزعج رامى هو اسوا صوت ممكن الواحد يصحى عليه لدرجة انى بفضل ان يصحينى بغبان ولا يصحينى رامى…

وكالعادة ولانى دايما عارف سره الباتع وبان دخلة رامى عليا وزيارته ليا فى البيت معناها وجود كارثة فاتمنيت ان رامى يطلع كابوس..ولكن رامى الكابوس للاسف طلع واقع….وبما انى عرفتك بصوت رامى قبل رامى ذات نفسه فاكيد توقعت منى انى صحيت مع جريمة سب وقذف للاخ رامى

عاوز اية يا ابن ال…..

يا مينا مش وقته هزارك احنا فى كارثة….ارغى يا رامى ارغى منا مصاحب بومة اشجينى…انا رأيى انك تحاول تبطل شتيمة لان فى كارثة كبيرة احنا هنقابلها…طبعا ضحكت لانه قال ابطل شتيمة احنا عارفين نبطل السجاير الاول بلا وكسة عليك…خير يا عم الضمير الصاحى اخلص وخش فى الموضوع

بوظلى الواقع وبقى الكابوس هو الاصل والواقع هو التزوير…راح حدف فى وشى ورقة…مكتوب عنوان…اعلان هام…يمكن عقلى للحظة فكره انه اعلان كورسات ولا وظايف خالية ولا دعوة لاعتصام ومظاهرات او…مش مهم اللحظة انا فكرت فيها فى اية…المهم الكارثة..بصيت فى الورقة قريت الاعلان !!!…

الاعلان كالتالى…اعلان عنوانه غريب…اسمه " شطبنا "…والنص الاصعب

"يعلن مكتب يسوع للرحلات السماوية عن اخر معقد فى رحلة الحياة الابدية مع العلم بان الاسبقية بالحجز اولا فسارع بالتقدم للحصول على تلك الفرصة الذهبية والوحيدة لاخر معقد فى السما "

……………………………………………………………………………….؟

نعم؟؟…اية؟؟…مش فاهم حاجة….

انا زيك كدة يا مينا انا اول مقريت استغربت وبلمت وتنحت

اندهشت من الاعلان…اخر مكان فى السما؟؟…طب ليه وازاى؟؟…تفكيرى اتجمد…احنا 8 مليار فى العالم كله واتبقى مكان طب يبقى ازاى؟؟…يانهار اسود احنا كدة ضايعين…

ايوة امال انا جتلك ليه عشان مش عارف افكر لوحدى…

يعنى حتى انا وانتا هنتنافس على اخر مكان…

انا وانتا مين يا عم مينا فوق شوية بيقولك اخر مكان يعنى دة عاوز اقدس واحد بقى شوف البابا والاسقفة والكهنة الخ الخ انتا عندك امل فى اية اصلااااا احنا استحالة ناخده

طب ليه مناخدوش؟؟…

طب وليه ناخده؟؟؟….احنا بنشتم…احنا بنكدب…احنا بنحلف…احنا بنزنى….احنا بنغش …احنا بنافق…احنا بنكره…احنا بنعادى…احنا يا عمنا بنشرب سجاير…انتا ناسى يا عم مينا اخر مرة اتناولنا امتا كان قبل الثورة يعنى مصر كلها ثارت على الفساد واحنا اللى برطعنا فيه تقولى ناخده…احنا الصوم بنفوت اسبوعين ونصوم…احنا الاعتراف نسينا اصلا اسم اب اعترافنا…ناخد اييييييييية

طب ينفع رشوة؟؟…

هترشى ربنا ولا اية؟؟…انتا فاكرها زى الرخصة هترشى المأمور وتعدى الامتحان وزود كمان دى على قايمتنا احنا بنرشى

طب تعالى نصلى ونقول كلمتين حلوين…

هتضحك عليه بكلام فى كلام وبعدين من امتا؟؟..دة من عجايب الدنيا السبعة ان انا وانتا نقف نصلى

طب يعنى هنكست؟؟..

ماهو اصل لو كانت الدنيا دى دايمة كنا قولنا ماشى بس بعد منموت كدة بايظة هنعيش فى جهنم؟؟؟

طب منحاول اننا نتغير

نتغير؟؟………ههههههههههههههههه مين دة اللى يتغير؟؟؟

انا وانتا

طب وافرض اننا حاولنا….تفتكر هنبقى قديسين اكتر من ال 8 مليار نسمة؟؟…طب دة انا وانتا كمان هنحاول وساعتها يا سيدى واحد فينا هيدخل والتانى هيبقى مكانه برة…احنا فى كارثة

طب ما اللص اليمين عملها…والمراة حاملة الطيب والسامرية ومريم المصرية ارتكبوا ابشع خطية وخدوا اماكن يبقى ليه نتشائم؟؟

انتا بجد مصدق نفسك؟؟؟…بيقولك دة مكان واحد يا مينا…مكان واااااااااااااااحد

يعنى اية؟؟…نستسلم؟؟…منفكرش؟؟؟…خلاص نعيش اللحظة؟؟…

محنا اصلا عايشنها…

مع كلمة رامى قلبى اتوجع…محنا اصلا عايشنها..

ياااااااااااااااة يا رامى….انتا عارف بتقول اية؟؟…

انا موجوع زى وزيك بس بدارى بضحكة شيطانى…انا وانتا مصيرنا خلاص بقى هو النار

لااااااااااا صرخت بحرقة وقولت حراااااااااااام…دة مش عدل

ساعتها الاوضة نورت وظهر الرب

من الخضة وقعت على الارض…ولقيته بدموع وبينزف بالدم

بتقول حرام؟؟؟…بتقول مش عدل؟؟…طب احكم انتا وانا هحترم الراى….واحد اتهان على صليب واتف فى وشه…واحد انجرح بشوك فى جبينه والمسامير بشراسة فى رجله وايده…ومات بطعنة حربة عشان خاطرك انتا وهوا وعشان خاطر ملايين غيركم واللى كان طلبه شوية حب وملقاش الحب…انتا عارف انتا وهوا عملتوا اية فيا…حنية قابلتوها بقسوة..واما اجى اشد عليكم تقول عليا فينك يارب وليه سايبنا منتوا اللى مش ماسكين فى ايديا…بتقولى مش عدل…تفتكر الاعلان دة يبقى ظلم؟؟؟….امال اللى عملتوه دة يبقى اية؟؟؟..افتكرتنى امتا فى اخر لحظة؟؟…طب شطبنا ..

خلص الحلم وصحيت على واقع اسمه الفرصة

الاعلان دة مرارة واحد بيحب…بيحب بجد وعاوز حبيبه يبقى معاه بس هو مأجل…فاتحله دراعه وهو بنصاحة فى اتجاه معاكس رايح عكسه رافض ربه…والحضن فى الاعلان بقى ضيق جدا ميسعش الا واحد…تفتكروا مين اللى هيلحق؟؟…اللى قريب ولا اللى بعيد؟؟…الى مشى فى طريق الحضن ولا اللى مشى فى عكس اتجاه حبيبه بعند غريب؟؟

الازمة مكنتش فى انه اخر مكان فى السما….الازمة اننا مشغولين عنه بحاجات شايفناها اهم…وانا جيت افكركم بحقيقة مش اكتر…ان مافيش ماهو من السما اهم

اكيد القصة غير واقعية لان اماكن السما غير محدودة….انا كان قصدى اعرض ازمة خيالية يمكن نفهم قيمتنا وقيمة حياتنا الابدية

dodo

orsozox page

Pin It

Leave a Reply

« »

Scroll to top