قصه جميله جدااااااا :) orsozox page goka

on February 12 | in OrSoFaCe | by | with No Comments

‫قصه جميله جدااااااا :)
orsozox page
goka


Timeline Photos
قصة من كاتبنا المميز الدكتور مينا فايز:

يا سلام على قصص القديسين بجد الواحد يتمنى يرجع عصر الاستشهاد كدة زى زمان….الجملة قالهالى صاحبى خلتنى اسرح كتييييييييييييييير….

يعنى لو طلبت منك تثبتلى انك بتحبنى بانك ترمى نفسك البحر هتنفذ؟؟؟….سمعت الجملة فى ودانى وانا مندهش….اية تانى؟؟….يعنى لو انتا بتحبنى وطلبت منك ترمى نفسك فى البحر هتنفذ؟؟….يا جدعان هو انا بتهيأ ولا اية….اتكررت الجملة تانى…لو انتا بتحبنى هترمى نفسك فى البحر لو انا طلبت منك كدة؟؟…هو انتا ربنا؟؟….ايوة….ازاى اتاكد من انك ربنا؟؟….رد وقالى مش عارف تميز صوتى؟؟…انا اسف يارب….رد وقالى سمعتك بتتكلم عن عصر الاستشهاد وصاحبك كان نفسه يرجع ويكون هو اول واحد يستشهد مش كدة؟؟…بالظبط يارب….طب اية رايك العرض الموجود قدامك اهو….لو بتحبنى ارمى نفسك فى البحر….

يااااااااااة يارب دة طلب كبير قوى وضخم…هفكر…لا لا مش هفكر…انا مستعد….ولية لا؟؟..انا موافق انى ارمى نفسى فى البحر بس لية يارب؟؟…كان ممكن اسهل من كدة؟؟…كان ممكن تتطلب منى حاجة تانية…بس مش مشكلة…هنفذ يارب بس توعدينى بحاجة انى اروح السما…ايوة منا مش هموت كدة واضيع فرصة الحياة وما فيها وفى الاخر النهاية تكون اييية…توعدنى؟؟…توعدنى وانا هنفذ؟؟….موافق نتقابل فى المكان الفلانى ونشوف هترمى نفسك فى البحر ولا لا قدامك ساعة تثبتلى…

واقف مستنى تاكسى عشان اوصل لمكان البحر والمنطقة اللى هرمى نفسى فيها….وانا واقف جة جنبى واحد فقير وهدومه مقطعة وجى يطلب منى المساعدة…بصيت كدة ملقتش غير معايا تمن ركوبة التاكسى….نفضته….معلش منا مش معقول هفرط فى الفرصة…العرض مش هيتكرر تانى…ركبت تاكسى بس التاكسى كان مليان وفيه اتنين…يا حظى الجميل….واحد من اكتر الناس اللى بكرهم فى حياتى….عدوى وبكره كره مافيش زيه…حتى مصبحتش عليه….قعدت وراه واللى كان جنبى كانت ريحته مقلولكش…هاين عليا اشتمه واطرده برة التاكسى اساسا….

طخخخخخخخخ…..التاكسى خبط…..اية النحس دة…..نزل السواق وهاتك يا خناقات بينه وبين السواق التانى….وشتايم وضرب وكله كله….يا جدعان انا مستعجل….اولعوا….انا مالى المهم مشوارى….وبعدين بقى الحتة اللى انا فيها دى مفهاش متنفس لتاكسى تانى فاضى….قعدت بنت زى القمر تفكيرى انشغل حبة كدة لدرجة ان تاكسى فاضى عدى ومخدتش بالى…دة وقته دة….ركز ركز عاوزين نوصل الوعد قرب ينتهى…. طب هاخدها مشى ولا اية….لا مش هينفع….والمفاجاة….لفيت عربية بابها مفتوح قدامى وصاحبها كمان ناسى المفتاح جوة…قشطة…طب دى سرقة؟؟…سالت نفسى طب منا خلاص هموت بقى يبقى صاحبها يرجع ياخدها…وعملت عملتى واخدت العربية…قشطة وصلت فى ميعادى…وصلت للمكان…ربنا كان وعدنى انه هيكون ظاهرلى هناك مستنينى ارمى نفسى ويقوم واخدنى على السما…..طب اية النظام….ظهر لى ربنا…

قالى انتا مرمتش نفسك فى البحر لية؟؟….قولتله استنى منا لسة واصل اهو هرمى متقلقش….قال لا انتا مرمتش نفسك فى البحر..قولتله ايوة ايوة منا لسة واصل يارب اهو هو الوقت عدى ولا اية؟؟….بصلى وقالى يا خسارة انتا مفهتش ويا خسارة الوقت عدى…

عاوزنى اصدق انك هترمى نفسك فى البحر عشانى وانتا مش بتعمل الابسط من كدة؟؟…عاوزنى اصدق انك هترمى نفسك وانتا لما بطلب منك تعطى المحتاج مبتعملش؟؟…عاوزنى اصدق وانتا مش بتحب عدوك؟؟…عاوزنى اصدق وانتا بتشتم؟؟…عاوزنى اصدق وانتا بتسرق؟؟….عاوزنى اصدق وانتا بتزنى؟؟….البحر الحقيقى هو تنفيذ الوصية…

البعض منا بيفكر انه يقدر يموت من اجل المسيح البعض ممكن يقول ايوة ارمى نفسى لو ربنا ساله…طب ماهو ربنا طلب الابسط ومنفذتش….ربنا مش هيطلب منك ترمى نفسك فى البحر وحتى لو طلب…قلبك مش نقى انه يقبل ترمى نفسك….. فووووووق ومتضحكش على نفسك

د \ مينا فايز مؤلف كتاب فايساويات قريبا بالاسواق
http://www.facebook.com/pages/%D9%83%D8%AA%D8%A7%D8%A8-%D9%81%D8%A7%D9%8A%D8%B3%D8%A7%D9%88%D9%8A%D8%A7%D8%AA/147861712036097

dodo

orsozox page

Pin It

Leave a Reply

« »

Scroll to top