هرغِى معاكم شويه بموقف شوفته واتعلمت منه كتير :) كنت من شهرين كدة فى مؤتمر ل…

on February 12 | in ArT-FaCe | by | with No Comments

‫هرغِى معاكم شويه
بموقف شوفته واتعلمت منه كتير :)

كنت من شهرين كدة فى مؤتمر لِــ TEDx لو حد يسمع عنه
المهم واحدة من ال speaker اللى بيتكلمو فيه كانت " كفيفه "
كانت بتتكلم وهيا فرحانه اووى
بتقول انا اتعملت ودخلت كليه وسافرت امريكا أخد دكتوراه
ومتجوزة وعندى بنوته زى القمر وبدخل على النت وبخرج وبغنى
وبزور أهلى وبشتغل فى مكتبه اسكندريه وناجحه جدا فى شغلى

لوهله كدة اتصدمت بجد
فكرت انى لو مكانها ممكن افضل عايشه عمرى كله كئيبه ومش هحقق اى حاجة ..

بتكمل كلامها بتقول ..
فى مرة كان نفسى أكل عدس روحت ناديت البًوابَه وقولتيلها على المقادير اللى عايزاها تشتريهالى
الست دى ضحكت وقالتلها وانتى يعنى هتعرفى تعمليه ..
بتقول مردتش عليها
بس بعد ما جابتلى المقادير وعملته روحت منزلالها طبق منه
وقولتلها دوقى بقى وقولى رايك
بتقول ان الست اتصدمت واتكسفت وقالتلها انا اسفه ..

كانت لما بتتكلم بجد كنت فخورة انى معاها فى نفس المكان
وان كل اللى بيسمعوها بجد فخورين بيها اننا حتى برغم اننا عندنا عيون
بس محققناش نص اللى هيا عملته
عرفت تحول نظرة الشفقه اللى ممكن اى حد يبصهالها الى نظرة اعجاب وفخر :)

#اتعلمت من الكلام وقصتها كذا حاجة
1- متحاولش تخلى كلام الناس يأثر عليك ولا تسمعه لإن فى ناس شغلهتها تأخرك وتحبطك

2- لو نفسك تنجح هتنجح بس خد قرار بجد ومتقولش الظروف ولا تحط اى عائق قدامك .. ابدأ اشتغل واعمل اللى عليك وهتلاقى كل حاجة سهله

3-لما تلاقى حد مستقل بقدراتك متحاولش تجادله بس عرفه مقامه لما توصل للى مقدرش يوصل ليه .. لما تحقق هدفك وتوصله هتقدر ساعتها تاخد بطارك منه :)

4- على قد كل حاجة ربنا بياخدها منك على أد ما بيديك أحسن وأحسن
بس انت احسن الظن بالله وخلى كل حاجة على ربنا ..

#أنا رغايه اوى بس كان نفسى احكيها اوى اصل فخورة جدا بالشخصيه دى‬

CH12 Magazine

Pin It

Leave a Reply

« »

Scroll to top