on July 4 | in ArT-FaCe | by | with No Comments

https://profile-b.xx.fbcdn.net/hprofile-ash4/373027_133853099986388_119589339_q.jpg

‫رمزى بشاره Ramzy Beshara‬
‫أنا المصرى إللى وطنه إتنَهَب وعاش مُحتَل مـ الأجنبى أنا إللى كتير عليا نَصَب عشان طَيِّب قوى مش غَبى وأنا إللى دفنت مُحتَلِّى وأنا إللى ثُرت من ذُلى وأنا إللى إديت عيونى لمصر وقلت فِداها أنا كُلى أنا إللى باأبوس إيدين الشيخ وآقول مولانا وفضيلتك وَأوطِّى أبوس إيد القسيس وآقولُّه ياأبونا وقداستك أنا إللى دينى مش بالدقن ولابزبيبة عالقورة أنا إللى مُعاملتى حَسَنَة أنا إللى جيوبى مَعصُورة وأزَكِّى وَأخَرَّج الحَسَنة وباأدِّى ماأكونشى فى الصُّورة أنا إللى راسى لاوَطِّت ولا كَت عينى مَكسورة أداوى عَدِوِّى لَو هَيطيب وفيا من جديد يِجرَح أنا إللى تملِّى مِتنَكِّد وأتارى عَشان كده باأفرَح وأزيط جِدَّاً لو المُنتَخَب كِسِب بالصُّدفة فى الكورة أنا الناس إللى شَقيانَة وعَرقانَة ومَخنوقة أنا الزحمة أنا الشارع أنا مش حارة مَزنوقة وفى الإنجيل وفى القرآن بلادى الغالية مَذكورة وباأعرَف أكشِف الكَداب وباأعرَف أمَيِّز المَلعُون أنا إللى هَوِيِّتى مَصرى أنا إللى جِدِّى كان فِرعون أنا لا خروف ولاغى العَقل ولابدون فِهم ألبِّى وأطيع ومَاأقبَلشى أعيش فى قَطيع وأتوه جوَّه جماعَة وأضيع فاكرنى وَضيع ! أنا أتغَيَّر ؟! ياعيِّل إمشى روح غَيَّر هاأعيش وهاأموت وأنا مَصرى روح إلعَب غيرها بَقى . غَيَّر أنا مش هاأرضَى أبيع بلدى ولو كان مال قارون مَكسَبى وأما دينى فَمُعاملَة وأما الحُب دَه مَذهَبى هاآقول الحَق وأتكَلِّم ولو قالوا السكوت من دَهَب وهاآكل فى الغطاس القَصب وآكُل ملبَن فى مولد النبى … الشاعر رمزى بشاره‬

taranemonline.com

Pin It

Leave a Reply

« »

Scroll to top