orsozox page goka

on February 9 | in OrSoFaCe | by | with No Comments

orsozox page
goka


Timeline Photos
قصيده (((الخروف الضال))) ( مستوحي كلماتي من انجيل معلمنا لوقا 15 )
by Akram Shahat Abdo ·

أرجو من اللي هيقراها انه يقرا المثل ف انجيل لوقا 15 قبلها

سأل مره كتبه ويهود

لو هو الرب المعبود

ازاي علي الخطاه بيجود

وياكل معاهم ازاي وليه؟؟

………….

رد الرب بحب وقال

علمهم بكلام ومثال

ان الرب مش المتعال

لو خاطي يدور عليه

……….

عندك ميه من الخرفان

ضاع واحد لو حتي جبان

هتسييبه يتباع يتهان

علشان عندك زيه شبيه ؟؟

…………

ولا هتسيب تسعه وتسعين

لو بس انت. راعي امين

وتدور في تراب او طين

وتشيله ترجع فرحان بيه

……….

وترّوح تدعي الأصحاب

وقرايب وجيران واغراب

وتقولهم ان كان في صعاب

ده خروفي ولو تاه هحميه

………….

طيب واحنا الهنا حبيب

راعي امين في صداقته عجيب

والامراض في وجوده تغيب

وابنه.تقوله سيبه ارميه !!!

…………..

ازاي وهو كله حنان

علشانا اتجرح واتهان

وبحربته صار لينا امان

وبمسامير ايده ورجليه

……………

علشان خاطي .داق تعذيب

اكليل شوك وجلد رهيب

والبار مش محتاج لطبيب

بس الخاطي مين يشفيه !؟

………….

حتي ان كان بطرس لو خان

او تلميذ هربان وجبان

لو توما معندهش ايمان

هيوريه جنبه ويهديه

………..

دا الهنا بيفرح في سماه

بابنه اللي رجع بعد ما تاه

وإن كان في جبال معنداه

هيمسك ايده وهيعديه

…………….

هو ده الرب يسوع

ملك بس غلٌب بدموع

مستني توبه ورجوع

لو دورت عليه تلاقيه

akram shahat

orsozox page

Pin It

Leave a Reply

« »

Scroll to top