orsozox page goka

on February 9 | in OrSoFaCe | by | with No Comments

orsozox page
goka


Timeline Photos
قصة من كاتبنا المميز : مينا فايز

جالى واحد وانا فى عز النوم….قالى تعالى هعرفك على شخصية مهمة جدا جدا….قلتله اية يا عمنا هو دة وقته انا نايم…قالى تعالى هتندم لو متعرفتش عليه….يعنى هى حبكت وانا نايم بقولها وانا اقعد ادكع فى عينى….استسلمت وانا مش عارف لية….قولتله وهنتعرف على مين انشالله؟؟…..قالى هعرفك على اغبى واحد فى العالم….نعممممممممممممممم

مصحينى من عز النوم عشان اغبى واحد فى العالم كمان….يا نهارك ملون….سيبنى سيبنى انا عاوز انام خلينى كدة فى عز النوم بلاش دوشة وتقومنى ونحلم والكلام دة….قالى احلم ومش هتندم….قولتله عاوز انام….قالى احلم ومش هتندم….قولتله عاوز انام….قالى احلم ومش هتندم….فحلمت….

روحنا المطار ودى كانت البداية….مطار مليان على اخره…بشر من كل نوع ومن كل لون ومن كل جنس مليان بالانس…نظام المطار كان زى نطام المطاعم……على باب المطار سلمنى حد من اللى شاغلين فى المطار الرحلات اللى طالعة وبكل التفاصيل اللى عاوز اعرفها وكأنها المنيو بتاع الاكل…قولت للى معايا اية من اولها شكل الموضوع عجيب…بصيت فى المنيو قصدى يعنى الجدول اللى ادهولى اخينا اللى ع الباب…ضحكت ضحكت لما شوفت الرحلات اللى طالعة…كانوا رحلتين مفيش غيرهم…لا لا استنى دة الاعجب والاغرب التفاصيل المكتوبة على الرحلتين بس المتوافرين فى المطار…اقرا واستعجب معايا…

الرحلتين مشتركين فى حاجتين….. مدة الرحلة والفيزا اللى هتاخدها عشان تعيش هناك فيزا ابدية بالجنسية…. بس المدة بقى استعجبتها….. المدة بتختلف على حسب الراكب فى اللى بيقضها سنين وفيها اللى يقضيها شهور….. وعشان كدة صحيح هما رحلتين بس لكن الطايرات شغالة كلها على الخطين دول….المطار زحمة زحمة اصلا بس هما كاتبين متقلقش دايما فى اماكن فى اخر الورقة اللى فيها الجدول….استنى لما اكملك….

بيقولك الرحلة الاولى هتروح لاجمل مكان ممكن تشوفه العين ويتخيله العقل لكن….زى ما بيقولوا الحلو ميكملش…الطايرة اللى هتروح المكان دة مش مريحة مش متوافر فيها وسائل الترفيه من الاخر شاب روش زى ممكن يعتبرها مملة..مملة؟؟؟ دة خنيقة جدا جدا….بس ميزتها الوحيدة المكان اللى هتروحه…..اجمل مكان…

الرحلة التانية….هنروح لاسوأ مكان ممكن تشوفه العين ويتخيله العقل لكن…زى ما بيقولوا الوحش ميكملش…الطايرة للى هتروح المكان فى منتهى الرفاهية ممكن تعمل فى الطايرة اللى انتا عاوزه حتى ممكن تخلص رحلتك بدرى بدرى ازاى مفهمتش بس بعدين فهمت…وانا اخلص رحلتى لية دة انا مسافر فى اروع طايرة وممكن اعمل اللى انا عاوزه بس المشكلة…المشكلة انى هروح اسوأ مكان….

بصلى الراجل اللى معايا وقالى اية رأيك؟؟…تتطلع لاحلى مكان باسوا طايرة؟؟…ولا تتطلع اسوا مكان باحلى طايرة؟؟….قالى قبل متقرر تعالى بص على المنظر دة…شباك التذاكر!!!!!

يانهار اسود على الزحمة….كل دول على رحلة اسوأ مكان..الناس كلها طوابير طوابير طوابير…والناحية التانية ياعينى بتنش….والطيارين فى رحلة اسوأ مكان مبسوطين ما الاقبال تاريخى..والطيارين فى رحلة احلى مكان زعلانين….ينادوا هنا بكل ما فى وسعهم دة احلى مكان تعالى احجزوا….والتانين هنا احلى طايرة تعالوا اركبوا…

بعدها خدنى اللى جالى فى الحلم وقالى تفتكر انتا مش تبقى اغبى واحد لو اخترت اسوا مكان تعيش فيه للابد عشان طايرة مؤقتة؟؟….وفى الاخر قالى انا جبتلك تمن التذكرة بدمى وادى الفلوس فى ايدك اختار وكان لازم اصحيك عارف لية….اخدنى وورانى اخر مشهد فى الحلم….انا اول واحد قدام شباك تذاكر اسوأ مكان….كان لازم افووووووووووووووق…..

انا عارف ان الباب ضيق لكن اللى ورا الباب هو لا يوصف….الاختيار ما بين اسوا مكان واحلى مكان….عرفت مين اغبى واحد فى العالم؟؟

قصة من تأليف : مينا فايز " فايسى "
مؤلف كتاب " فايساويات .. لا حياة بدون افكار .. دماغ السحاب " المتوافر حاليا بجميع مكتبات وسط البلد – مكتبة مدبولى – عمر بوك ستور – اكتب بوك ستور – مكتبة ابجدية

dodo

orsozox page

Pin It

Leave a Reply

« »

Scroll to top