on June 20 | in ArT-FaCe | by | with No Comments


Timeline Photos
بندق وبندقة في رحلة الخماسين
حلقات مكتوبة لآحاد الخماسين "السادسة – الصعود "
تأليف : ميلاد نبيل

الفكرة " بندق وبندقة شخصيتين يوجدا داخل الخدمة طوال فترة الخماسين المقدسة من الممكن أن يكونا علي هيئة "ماسكات" إن أمكن أو "مسرح عرائس" وهم يقدموا فقرة طوال الخماسين بإسم بندق ويندقة في رحلة الخماسين" وأفكار الحلقات مأخوذة من قراءات القطمارس الخاصة بآحاد الخماسين وتكون تلك الفقرة مصاحب لها تلوين الصورة الخاصة بموضوع الدرس والتي ستجدونها مع سلم الخماسين الذي طرح للاطفال بجانب البانفليت من مركز the cross للحجز 01285514743

الخطوة السادسة "الصــــــعود"
المنظر لبندقة وهي تنادي بأعلي صوتها علي بندق
بندقة : بندق يابندق يابندق
بندق : أيوة أيوة ايوة إيه مالك شكلك فرحانة كدة ليه خير
بندقة : هو وحش إني أكون فرحانة يعني يابندق
بندق : لا أبدا بس مستغربك يعني شوية المهم قوليلي بقي إيه إللي مفرحك
بندقة : فرحانة بممناسبة العيد
بندق : عيد ؟ إنتي عيانة ولا حاجة يابندقة سخنة ؟
إيه ياعم بتحط إيدك علي راسي ليه أنا مش سخنة ولا عيانة
بندق : الله أمال إيه الكلام اللي بتقوليه ده عيد إيه إللي بتحلمي بيه ده إحنا لسه طالعين م العيد قريب
بندقة : يابندق ده عيد تاني إحتفلنا بيه إمبارح
بندق : عيد إمبارح ؟؟ إمتي ده وبعدين أنا لاشفت عيدية ولا لبس جديد
بندقة : يابندق العيد بتاع إمبارح ده مش بنجيب فيه لبس عيد
بندق : أنا غلبت بصراحة قوليلي بقي عيد إيه ده ؟
بندقة : ده كان عيد الصعود
بندق : أيوة صح إحنا قلنا بعد أربعين يوم من العيد هنحتفل بعيد الصعود أنا إتلغبطت خالص
بندقة : لو كنت بصيت ع السلم كنت عرفت إن الخطوة الساتة هي الصلاة والسابعة الصعود
بندق : ايوة أنا شفتها وكان فيها صورة بابا يسوع وهو طالع السما هو ده بقي الصعود ؟
بندقة : آه هو ده الصعود يابندق وده كان ف اليوم الأربعين
بندق : طب هو ليه بابا يسوع طلع السما أنا كنت عاوزه يفضل معانا علي الأرض
بندقة : يابندق بابا يسوع موجود في كل مكان هو موجود في السما وكمان قاعد معانا وموجود معانا كمان دلوقتي
بندق : ايه موجود دلوقتي ؟
بندقة : أيوة هو ربنا قال يابندق إذا إجتمع بإسمي إثنان أو ثلاثة فهناك أكون في وسطهم
بندق : صح صح ’’ يعني إيه بقي الكلام ده
بندقة : يعني يابندق ربنا بيفضل موجود معانا لو إحنا بنتكلم عليه وبنصليله وإحنا طبعا دلوقتي في بيت ربنا وعشان كدة هو موجود وسطنا
بندق : كويس كويس طيب أنا عاوز أعرف بقي هو ليه طلع السما
بندقة : راح السما عشان يجهزهالنا عشان لما نطلع السما تكون جميلة خالص ونعيش معاه فوق
بندق : وتفتكري يابندقة أنا ممكت أروح السما
بندقة : ممكن جدا يابندق لو مشينا ع الحاجات اللي قلناها قبل كدة تيجي نراجعها سوا
بندق : أوك أول إسبوع قلنا فيه إننا لازم نتأكد إن ربنا معانا
بندقة : شاطر يابندق وقلنا برده ساعتها إن ربنا لو مش معانا مش هنعرف نروح السما صح ؟
تمام والتاني لازم نتناول والتالت نواظب علي الصلاة وكلام ربنا والرابع نتاكد إن في نور والخامس نكون عارفين المواصلات
بندقة : بالظبط يابندق والسادس زي مقلنا الصلاة يابندق لازم علي طول نصلي لبابا يسوع علشان اللي بيحب حد بيتكلم معاه صح
بندق : صح وانا عشان كدة يابندقة بكلم ربنا كل يوم الصبح أول مبقوم بصليله وكمان بليل قبل النوم
بندقة : شاطر يبندق وأنا كمان بصلي لربنا زيك وكمان لازم نصلي لإخوتنا يابندق
بندق : فعلا أنا بعمل زي مالمس ماقالت بصلي للعيانين وللمساكين ولماما وبابا ولكل المحتاجين
بندقة : وعاوزين في صلاتنا برده يابندق نصلي لمصر إن ربنا يبعتلنا رئيس كويس وكمان بطريرك جميل
بندق : أكيد ربنا هيبعتلنا حد كويس لإن ربنا بيحب مصر
بندقة : صح يابندق
بندق : طب يالله بينا بقي نلون الصورة بتاعة الصلاة وكمان بتاعة الصعود
"تقوم الخادمة او الخادم بتوزيع الألوان وتحفيظ الآية وتفسير ماقيل إن ارادت"
لمشاهدة فيديو شرح إستخدام السلم لأطفال حضانة وأولي وتانية وتالتة برجاء الضغط علي هذا الرابط

http://www.youtube.com/watch?v=2ErbPUP5zcU

لحجز أي كمية لحضانة إلي إعدادي 01285514743
أذكروني ف صلواتكم
ميلاد نبيل
14-5-2012

Fans of "The Cross"

Pin It

Leave a Reply

« »

Scroll to top