بندق وبندقة في رحلة الخماسين حلقات مكتوبة لآحاد الخماسين “الخامسة”

on June 15 | in ArT-FaCe | by | with No Comments

‫بندق وبندقة في رحلة الخماسين
حلقات مكتوبة لآحاد الخماسين "الخامسة"‬


Timeline Photos
بندق وبندقة في رحلة الخماسين
حلقات مكتوبة لآحاد الخماسين "الخامسة"
تأليف : ميلاد نبيل

الفكرة " بندق وبندقة شخصيتين يوجدا داخل الخدمة طوال فترة الخماسين المقدسة من الممكن أن يكونا علي هيئة "ماسكات" إن أمكن أو "مسرح عرائس" وهم يقدموا فقرة طوال الخماسين بإسم طبندق ويندقة في رحلة الخماسين" وأفكار الحلقات مأخوذة من قراءات القطمارس الخاصة بآحاد الخماسين وتكون تلك الفقرة مصاحب لها تلوين الصورة الخاصة بموضوع الدرس والتي ستجدونها مع سلم الخماسين الذي طرح للاطفال بجانب البانفليت من مركز the cross للحجز 01285514743

الخطوة الخامسة "لازم نبقي عارفين السكة كويس"
المنظر لبندقة وهي تنادي بأعلي صوتها علي بندق
بندقة : بندق يابندق يابندق
بندق : أيوة أيوة إيه يابنتي إنتي بتندهي علي واحد ميت وبعدين إنتي مش شايفاني نايم بتصحيني ليه
بندقة : ماإنت نمت كتير أوي يابندق
خادمة : أنا حر ياستي إنتي متضايقة ليه انا خلاص خلصت إمتحاناتي وأنام براحتي بقي
بندقة : إنت ناسي يابندق إن إنهاردة الجمعة
بندق : إيه إنهاردة الجمعة ؟ معلش معلش أنا نسيت خالص إن إنهاردة الجمعة
وطبعا تلاقيك ناسي السلم بتاعك بتاع الخماسين في أي حتة
بندق : بصراحة آه أنا فعلا نسيت السلم
بندقة : طيب ياتري فاكر المرة اللي فاتت كانت الخطوة بتاعة رحلة السما بتتكلم عن إيه
بندق : أيوة طبعا فاكر بس ناسي شوية ثواني هفتكر ,, كانت إيه يابنجق كانت إيه يابندق , أيوة إفتكرت لازم نتأكد إن الطريق منور ,, صح ؟
بندقة : تمام برافو عليك يابندق فعلا هي دي الإجابة والخطوة بتاعة إنهاردة برده قريبة م المرة اللي فاتت
بندق : إزاي بقي
بندقة : إحنا المرة إللي فاتت قلنا إن لازم الطريق يكون منور عشان نعرف نمشي فيه ونوصل للسما صح
بندق : أيوة صح ماأنا لسه قايلها دلوقتي إيه الجديد بقي
بندقة : الجديد يابندق إننا لازم كمان نكون عارفين الطريق كويس ونعرف المواصلات بتاعته
بندق : إزاي يعني
بندقة : بص ياسيدي مش إحنا رحنا لجدو الإسبوع إللي فات
بندق : أيوة لما خدتله معايا الكشاف بتاعي وراح هو مديلي خمستاشر جنيه
بندقة : تمام ,, تفتكر بقي يابندق لو مكنش جدو يعرف الطريق والسكة كنا هنعرف نروح لجدو
بندق : لا طبعا كنا هنتوه ومش هنوصل
بندقة : شاطر يابندق وكمان تفتكر لو مكناش لقينا مواصلات كنا هنعرف نروح
بندق : لا طبعا كان لازم نركب العربية عشان نروح بيها
بندقة : وهو ده بقي درس إنهاردة يابندق
بندق : مش فاهم طيب إحنا دلوقتي لما نيجي رايحين السما أكيد بقي هنركب صاروخ صح ؟
بندقة : لا يابندق مش ده المقصود بالمواصلات
بندق : أمال إيه هي المواصلات اللي ممكن نروح بيها السما
بندقة : هي الحاجات يابندق إللي خدناها قبل كدة بتاعة الإسبوع الأول والتاني وكدة
بندق : يعني مثلا أنا فاكر إن أول إسبوع قلنا فيه إننا لازم نتأكد إن ربنا معانا
بندقة : شاطر يابندق وقلنا برده ساعتها إن ربنا لو مش معانا مش هنعرف نروح السما صح ؟
يقوموا بتلاوة ماهو مكتوب ف السلم صح ؟ دلوقتي فهمت يعني زي ماإحنا لو مش معانا العربية مثلا مش هنعرف نروح لجدو ولو مش معانا ربنا مش هنروح للسما
بندقة : بالظبط يابندق وعشان كدة لازم يكون برده معانا باقي الحاجات زي إننا لازم نكون بتناول وبنسمع كلمة ربنا وماشيين بوصايا ربنا
بندق : صح لإن الطريق لو منور وإحنا مش عارفين السكة أكيد هنتوه لكن طول ماربنا معانا مش هنتوه أبدا
بندقة : وعشان كدة يابندق إحنا لازم نواظب ع الحاجات اللي خدناها قبل كدة وإنتوا كمان ياإخواتي ياحلوين لازم نفضل علي طول مع ربنا عشان هو برده هيفضل معانا علي طول وهياخد باله مننا
بندق : أنا هفضل علي طول مع ربنا
بندقة : طيب إحنا دلوقتي بقي هنلون يابندق الصورة بتاعة الدرس بتاع إنهاردة
بندق : بس أنا نسيت البانفليت بتاعي إللي فيه صور التلوين هعمل إيه دلوقتي
بندقة : ولا يهمك يابندق إنت ممكن تلون معايا بس بعد كدة متنساش السلم بتاعك ولا البانفليت ماشي ؟
بندق : ماشي
"تقوم الخادمة او الخادم بتوزيع الألوان وتحفيظ الآية وتفسير ماقيل إن ارادت"
لمشاهدة فيديو شرح إستخدام السلم لأطفال حضانة وأولي وتانية وتالتة برجاء الضغط علي هذا الرابط

http://www.youtube.com/watch?v=2ErbPUP5zcU

لحجز أي كمية لحضانة إلي إعدادي 01285514743
أذكروني ف صلواتكم
ميلاد نبيل
14-5-2012

Fans of "The Cross"

Pin It

Leave a Reply

« »

Scroll to top