ربنا بيقولك لو نسيت الأم رضيعها هو استحالة ينساك اطمن جداً لن تُفقد ابداً، انت…

on June 8 | in ArT-FaCe | by | with No Comments

‫ربنا بيقولك لو نسيت الأم رضيعها هو استحالة ينساك
اطمن جداً لن تُفقد ابداً، انت محفوظ في ايد الأب العظيم و احنا كلنا منقوشين علي كفيه، كفوف الايدين اللي اتدق فيها المسامير فوق الصليب علشانك و علشاني، عشان يحفظنا و ينجينا من الهلاك الأبدي
عشان يوهب لنا أحلي حياة
ليه هتيجي و تقلق دلوقتي ؟؟؟!!
ما هو مش منطقي أبداً ان اللي عمل عشانك كدا زمان و انت مهونتش عليه يجي دلوقتي و يسيبك أو ينساك أو تهون عليه دموعك !
" يسوع المسيح هو هو أمسًا و اليوم و إلى الأبد " (عب 13: 8)
يسوع استحالة يتغير، و اللي حبك زمان المحبة اللي خليته يتصلب بدالك عشان يحميك و يفديك هو هو اللي لسه بيحبك دلوقتي و للأبد هيفضل يحبك و هتفضل محفوظ و متشال علي ايده اللي مفيش احن من لمستها.
هو بنفسه قال لو نسيت الام رضيعها أنا مش هنساك ~ مفيش آمان أكتر من كدا ~ :)
صدق في وعود ربنا اللي بجد مفيش اجمل و لا أصدق منها !
~ هو أبداً مش هينساك حتي لو انت نسيته ! ~

ممكن تصلي دقايق تحكي فيها لربنا كل اللي في قلبك و تشكره علي كل احساناته اللي بجد غير مستحقين ليها
اشكره جداً .. و كون فرحان بيه جداً .. مش كتير علي يسوع انك تقوم حالاً تفرح قلبه ! دي أقل حاجة ممكن نعملها ليه !
و هنبتدي بعدها قرايتنا في كتاب المقدس و احنا لسه مكملين في سفر اشعياء اصحاح 49 & 50
شاركونا مع كل اللي تعرفوهم :)

Elmes Edena Band ♫♫ ♫♫ فريق إلمس إيدينا

Pin It

Leave a Reply

« »

Scroll to top