on June 8 | in ArT-FaCe | by | with No Comments

https://profile-b.xx.fbcdn.net/hprofile-ash4/373027_133853099986388_119589339_q.jpg

‫رمزى بشاره Ramzy Beshara‬
‫مشكلة تحتاج لحل سريع وأنا واثق إن ربنا هيحلها على إيديكم إن شاء الله _____________________________________ مساء الخير يا مستر انا هحكيلك علي موضوع كدة جايز يكون الحل عندك انا مستقبلي ضاع بسبب الاخوان انا كنت بشتغل انا وخطيبي في مدرسة خاصة وانا واخدة كلية تعتبر من كليات القمة فنون جميلة وشاطرة جدا وخطيبي بكالوريوس تربية فرنساوي وممتااااااااااااااز طردونا طردت الكلاب من المدرسة لمجرد اننا الوحيدين المسيحيين اللي في المدرسة والكلام ده اتقاللنا بصريح العبارة من ( …. ) اخواني مسك ادارة المدرسة وفضل يلف علي صاحب المدرسة لغاية مابقي كل حاجة فأيده هو ورمونا في الشارع وبقينا عواطلية و بابايا عاوز يفك خطوبتي لان خطيبي بقي عاطل واحنا من ( محافظة من محافظات الصعيد ) وانت عارف الصعيد فرص الشغل فيه قليلة جدا ومالهوش حد يساعده انه يسافر يلاقي شغل ولما بيلاقي حاجة بيلاقي حاجات أقل من ان واحد جاهل يشتغلها يا اما مرتبها يدوب يكفي مصاريفه هو بس وانا مبقيتش عارفة اعمل ايه بذمتك ده يرضي مين نترمي من الشغل ومستقبلي يتدمر واسيب خطيبي علشان بسسسسسس احنا مسيحيين بجد مبقيتش عارفة اعمل ايه غير اني اقول ربنا ينتقم منهم.ممكن اتقل علي حضرتك واطلب منك طلب معلش انا عارفة انه طلب تقيل بس حضرتك عندك معارف كتير ويمكن مساعدة ربنا تيجي عن طريقك لو في اي شغل مناسب لخطيبي انا ممكن ابقي ابعت لحضرتك السي في بتاعه لو مينفعش مفيش اي مشاكل انا عارفة ان حضرتك عندك ضغوط كتير.ميرسي قوي علي قراية حضرتك لرسالتي وصليلي كتييييييييييييييييير ______________________________ إلى هنا إنتهت رسالة هذه الفتاة البائسة وقبل ماحد يكتب تعليق أو يساهم في حل المشكلة عايز آقولها بإختصار شوية حاجات : 1- أنا غلبان وماعنديش معارف كتير ولا حاجة بس أعرف حد كبير قوي ممكن يساعدِك والمفاجأة إن إنتي كمان تعرفيه إسمه " يسوع " 2- لو بتحبي خطيبِك إوعي تسمحي لباباكي يفك الخطوبة وإلا مش هتبقي جدعة وتبقي ماتستاهليش خطيبِك خليكي واقفه معاه لحد ماالأزمة تعدي وتحدي الدنيا بحالها عشانه لو فعلاً بتحبيه 3- ماتشيليش في قلبِك كره ناحية الشخص إللي عمل كده وماتدعيش عليه صحيح ربنا بيسمع جداً دعوة المظلوم بس مستحيل يسمع لحد جواه كره وحقد أو حد بيدعي على حد 4- عندي ثقة إن ربنا هيحل المشكلة دي وبسرعة صلي وكلنا هنصلي معاكي ________________________________ ملحوظة : " الـ CV الخاص بخطيبها عندي ولو حد عنده إستعداد يحل الموضوع بشكل فعلي يبعت لي وإن تأكدت من جدية الحَل هاأبعت له الـ Cv .. )‬

taranemonline.com

Pin It

Leave a Reply

« »

Scroll to top