orsozox page goka

on January 30 | in OrSoFaCe | by | with No Comments

orsozox page
goka


Timeline Photos
قصة تحفــــــــــــــــــــة بجد : من تأليف صديقنا الكاتب مينا فايز

من بداياتى فى الكتابة
قصة من تأليفى من تلت سنين بعنوان " احسن صورة فى العالم " :)

من يومى وانا بحب التصوير….أصل التصوير دة فن…..بس انا قررت بقى انى اخد احلى صورة فى حياتى….سمعت عن واحد الراجل دة معروف جدا بجودة التصوير….وكل صوره جميلة جدااااااااا….قولت بس يبقى دة الراجل المناسب….روحتله وقولتله على طلبى….قالى انا هصورك احلى صورة فى حياتك بس انا خايف من انك فى الاخر تقولى مش هتصور…قولتله لية؟؟لا لا بدل ماهى احلى صورة يبقى اكيد هصورررررررررررررررررررررر

بس بدات افكر

لما عرض عليا وقالى انها احلى صورة فى حياتى…استغربت…احلى صورة؟؟….انا قولت يبقى هتصور مع حد من المشاهير….او يمكن نتصور مع حد من المسئولين….او يمكن نتصور مع اغنى رجل فى العالم؟؟…او يمكن نتصور مع اجمل بنت فى العالم؟؟….او اقوى رجل فى العالم؟؟….ياترى اية اهم صورة فى حياتى؟؟….

قالى عشان انتا معندكش خبرة انا هعلمك ازاى تاخد احلى صورة….قولت له طب هى لية احلى؟؟…قالى متستعجلش….قولت طب هنصور اية؟؟….قالى اكيد اشخاص…قولت له مين يعنى؟؟….مردش على السوال مباشرة قالى…

الصورة عشان تبقى حلوة لازم يبقى فيها احلى ناس اجمل ناس عشان الصورة تطلع حلوة الصورة عشان تبقى حلوة لازم نضحك نظهر مبسوطين مزقططين عشان الصورة تطلع حلوة انا قررت اعمل احلى صورة مع احلى ناس عشان تكون الصورة دى فى القمة….خططت…جهزت الكاميرا….اتبقى بقى اية؟؟….اتبقى اية؟؟..الناس طبعا احلى ناس اجمل ناس

راجل قصير جدا يدوب ظاهر من الارض بالعافية وسمعته انه راجل نصاب…حرامى كبير قوى فى البلد….مقلكمش اد اية الناس بتكره…..مقلكمش اد اية هو منبوذ من الناس كلها….بس انا اخترته….ايوة اخترته…متستغربش قوى منى…انا عندى خبرة فى التصوير…انا عارف مين هيطلع حلو فى الصورة متقلقش

واحدة متأنجهة اش احمر واش اصفر على خدودها ووشها….ولا ريحتها بقى مقولكش عندها اجمل ريحة فى البلد كلها..مش انتا عاوز اجمل ناس؟؟…اةةةة قلقان….اة انتا بتقولى انها زانية؟؟….وماله؟؟….بتقول ان سمعتها فى الحضيض وماله؟؟…بتقول انها هتبوظ الصورة بسمعتها وسيرتها اللى على كل الناس وماله؟؟…انا عاوزها….انا شايفها فى الصورة….هتبقى فى الصورة

ااية رايك فى راجل زنجى؟؟….الصورة تبقى جامدة طبعا….ومش بس زنجى دة راجل بطول وعرض اسود فى اسود ومش كدة وبس…..قتال قتلة…رئيس عصابة….اية رايك؟؟…..دلوقت انتا مش قلقان خالص…انتا متأكد ان الصورة باظت….بس الصورة دى هى احلى صورة….صدقنى…انا دايما بقول الحق

واحدة مجنونة….مش انتا بتقول الصورة هتبقى حلوة بالناس المبسوطة…اهى واحدة مجنونة…ومش مجنونة وبس دى عليها شياطين يعنى قمة الضياع….طبعا لا بتهتم بهدومها ولا بنفسها ولا باى حاجة…بس انا قررت احطها فى الصورة…عجبانى جدا…انا شايف اللى انتا مش شايفه…الصورة صورتى والكاميرا كاميرتى…..اللى عندك الصورة تتطلع حلوة

جاب ناس غريبة….جاب ناس مش متخيل ابدا انهم يبقوا فى صورة وتبقى حلوة…ازاااااااااى؟؟

فجأة بصلى وقالى تدخل فى الصورة؟؟…..قلتله اية؟؟…انا اتصور مع الناس دى؟؟…انا بمكانتى وبمركزى تساوينى بالناس دول فى صورة واحدة؟؟….القط الصورة ليهم وملكش دعوة بيا وتبقى ورينى الصورة تطلعت ازاى يا استاذنا

تك….

ورينى الصورة….

مين دول؟؟….دول منورين فى الصورة….دول زى الملايكة لا دول احلى منهم فى الصورة…

ازاااااااااااى؟؟؟…. اية دة؟؟….فى واحد زيادة فى الصورة فاتح دراعه وراهم….كانه حضنهم….قرب كدة

دة صورتك انتا؟؟….انتا صورت نفسك ولا صورتهم؟؟؟…..دى طلعت صورتك انتا….ازااااااااى؟؟؟..ازاااااااااااى؟؟؟

لكنها احلى صورة باحلى منظر شوفته فى حياتى
" صورة المسيح "

ملحوظة هدف القصة مش هدف واحد ياريت توصل لكل واحد فينا فى علاقاته مع الناس ياريت توصل للخدام وياريت توصل ليا انا اول واحد فيكم يمكن ينفع نتطلع فى الصورة

dodo

orsozox page

Pin It

Leave a Reply

« »

Scroll to top