شيء مؤسف إنك ما تكونش درست في مدرسة لغات او مدرسة هاي .. لكن الأكثر اسفا إنك ما تكونش درست في مدرسة حكومة ، لأن شيء ما مهم جداً في إدراكك حيكون ناقص .. في الغالب مش حتكون شفت العيال اللي بتلف طول الفسحة تشحت ساندويتش من العيال اللي معاها ساندويتشات بطريقة “كابتن .. ممكن قطمة”، مش حتكون وقفت متذنب الحصة الأولى كلها في حوش المدرسة علشان أبوك اتزنق ومستني اول الشهر علشان يقدر يديلك المصاريف فالكويل بيذنبكم علشان تضغطوا على اهاليكم علشان تدفعوا المصاريف ( العهدة بتاعته ) ، مش حتكون صادفت المدرس السادي ( غالباً مدرس الألعاب ) اللي بيزنقك في ركن ويديلك بالشلاليت واللكاكيم لغاية ما تجيب دم من وشك لسبب تافه اوي إنك مثلاً طلعت تجري من قدام اوضة المدرسين في الفسحة … مش حتكون صادفت الواد اللي نظره ضعيف ومش شايف وابوه ما معهوش فلوس يعمله نضارة فمستني لما تطلع بطاقة التأمين الصحي بعد أول شهر من الدراسة علشان يعملهاله تبع التامين ببلاش، فبيضطر يقضي اول كل شهر قاعد ع الأرض تحت السبورة، مش حتكون اول السنة لقيت إن عدد الطلبة اكتر من عدد “التخت” فبتلاقي إن فيه عيال في الفصل فارشين ورق كراريس وقاعدين ع الأرض عقبال ما الوزارة تبعت “تخت” جديدة، .. ولأنك غالباً كنت بتروح المدرسة بالباص … فمش حتشوف واحد كنت بتلعب معاه في المدرسة، وبعدين وانتم مروحين في قطر ابو قير اتشعبط ع القطر فوقع تحتيه وبقى حبة لحم مفروم ، وعقبال ما القطر يقف تطلعوا تجروا على المكان اللي وقع فيه وكل واحد فيكم يقلع الجاكيت بتاعه يغطيه ، .. ولو حظه حلو حتلاقيه شهرين غاب وراجع برجل طايرة وعكاز، او دراع طاير وقميص مدلدل في الهوا ، مش حتضطر تقضي النهار كله مزنوق بتتلوى ومش قادر تروح الحمام علشان الحمام هو الجحيم بعينه، ومش حيكون فيه عيل مجرم سليل مجرمين حاطك في دماغه لله في لله وانت واهلك مش عارفين تتصرفوا واقصى نصيحة بيقدمهالك ابوك امسك شوية تراب وارميهم في عنيه واطلع اجري ، مش حتلاقي الواد اللي بيبيع برايات وجوم وتكت علشان يعرف يعمل مكسب يخليه يشتري حاجة ساقعة في الفسحة ، او مش حتشوف العيال اللي اول الفسحة تطلع تجري ع الفراش تاخد صندوق بيبس فاضي وتفضل تقضي الفسحة كلها ماشي تلم الأزايز الفاضية من الحوش والأدوار ، ولما تكمل الصندوق بتديه للفراش ويديك بريزة .. تلات برايز في ايدك وتبقى برنس وتقدر تشتري واحدة بيبس ويتفضل معاك شلم برضه .. ، ولو كنت خايب ما عرفتش تكمل الصندوق بتخبيه تحت رجلك علشان بكرة تكمل الصندوق وتبقى خايف لا الفراش يطلع يجيبك من قفى اهلك في الحصة اللي بعد الفسحة … عزيزي خريج مدارس اللغات .. انت اتعلمت اكيد حاجات احسن مننا .. لكن إحنا بقينا عارفين حاجات كتير اوي انت ما تعرفهاش … وغالباً حتقضي عمرك كله مش حتعرفها .. مفيش بيننا حقد طبقي ولا غيرة والله .. اصلاً إحنا ما كناش نعرف إنكم موجودين في الكون غير بعد ما كبرنا واتخرجنا واشتغلنا فقابلناكم والحياة طحنتنا فما خلتناش نلحق نحقد على طفولتكم المنصرمة اكيد .. بس خليك عارف كويس أوي إن اللي اتكون في وعي كل واحد فينا في طفولته مختلف تماماً عن التاني … وعمرنا ما حنشوف الدنيا زي بعض .. أبداً (copied) orsozox page gooka

on May 28 | in OrSoFaCe | by | with No Comments

شيء مؤسف إنك ما تكونش درست في مدرسة لغات او مدرسة هاي .. لكن الأكثر اسفا إنك ما تكونش درست في مدرسة حكومة ، لأن شيء ما مهم جداً في إدراكك حيكون ناقص ..
في الغالب مش حتكون شفت العيال اللي بتلف طول الفسحة تشحت ساندويتش من العيال اللي معاها ساندويتشات بطريقة “كابتن .. ممكن قطمة”، مش حتكون وقفت متذنب الحصة الأولى كلها في حوش المدرسة علشان أبوك اتزنق ومستني اول الشهر علشان يقدر يديلك المصاريف فالكويل بيذنبكم علشان تضغطوا على اهاليكم علشان تدفعوا المصاريف ( العهدة بتاعته ) ، مش حتكون صادفت المدرس السادي ( غالباً مدرس الألعاب ) اللي بيزنقك في ركن ويديلك بالشلاليت واللكاكيم لغاية ما تجيب دم من وشك لسبب تافه اوي إنك مثلاً طلعت تجري من قدام اوضة المدرسين في الفسحة … مش حتكون صادفت الواد اللي نظره ضعيف ومش شايف وابوه ما معهوش فلوس يعمله نضارة فمستني لما تطلع بطاقة التأمين الصحي بعد أول شهر من الدراسة علشان يعملهاله تبع التامين ببلاش، فبيضطر يقضي اول كل شهر قاعد ع الأرض تحت السبورة، مش حتكون اول السنة لقيت إن عدد الطلبة اكتر من عدد “التخت” فبتلاقي إن فيه عيال في الفصل فارشين ورق كراريس وقاعدين ع الأرض عقبال ما الوزارة تبعت “تخت” جديدة، ..
ولأنك غالباً كنت بتروح المدرسة بالباص … فمش حتشوف واحد كنت بتلعب معاه في المدرسة، وبعدين وانتم مروحين في قطر ابو قير اتشعبط ع القطر فوقع تحتيه وبقى حبة لحم مفروم ، وعقبال ما القطر يقف تطلعوا تجروا على المكان اللي وقع فيه وكل واحد فيكم يقلع الجاكيت بتاعه يغطيه ، .. ولو حظه حلو حتلاقيه شهرين غاب وراجع برجل طايرة وعكاز، او دراع طاير وقميص مدلدل في الهوا ،
مش حتضطر تقضي النهار كله مزنوق بتتلوى ومش قادر تروح الحمام علشان الحمام هو الجحيم بعينه، ومش حيكون فيه عيل مجرم سليل مجرمين حاطك في دماغه لله في لله وانت واهلك مش عارفين تتصرفوا واقصى نصيحة بيقدمهالك ابوك امسك شوية تراب وارميهم في عنيه واطلع اجري ، مش حتلاقي الواد اللي بيبيع برايات وجوم وتكت علشان يعرف يعمل مكسب يخليه يشتري حاجة ساقعة في الفسحة ، او مش حتشوف العيال اللي اول الفسحة تطلع تجري ع الفراش تاخد صندوق بيبس فاضي وتفضل تقضي الفسحة كلها ماشي تلم الأزايز الفاضية من الحوش والأدوار ، ولما تكمل الصندوق بتديه للفراش ويديك بريزة .. تلات برايز في ايدك وتبقى برنس وتقدر تشتري واحدة بيبس ويتفضل معاك شلم برضه .. ، ولو كنت خايب ما عرفتش تكمل الصندوق بتخبيه تحت رجلك علشان بكرة تكمل الصندوق وتبقى خايف لا الفراش يطلع يجيبك من قفى اهلك في الحصة اللي بعد الفسحة …
عزيزي خريج مدارس اللغات .. انت اتعلمت اكيد حاجات احسن مننا .. لكن إحنا بقينا عارفين حاجات كتير اوي انت ما تعرفهاش … وغالباً حتقضي عمرك كله مش حتعرفها .. مفيش بيننا حقد طبقي ولا غيرة والله .. اصلاً إحنا ما كناش نعرف إنكم موجودين في الكون غير بعد ما كبرنا واتخرجنا واشتغلنا فقابلناكم والحياة طحنتنا فما خلتناش نلحق نحقد على طفولتكم المنصرمة اكيد .. بس خليك عارف كويس أوي إن اللي اتكون في وعي كل واحد فينا في طفولته مختلف تماماً عن التاني … وعمرنا ما حنشوف الدنيا زي بعض .. أبداً
(copied)

orsozox page

gooka via orsozox page

Pin It

Leave a Reply

« »

Scroll to top