إعمل شير على بروفايلات أصحابك المتواضعين :)

on May 14 | in ArT-FaCe | by | with No Comments

‫إعمل شير على بروفايلات أصحابك المتواضعين :)


Timeline Photos
أجمد وأروع وأحسن وأضخم موضوع
ممكن تقراه على الفيس بوك :)

المرنم الصاعد كالصاروخ .. كل ده علشان سجل ترنيمته فى إستوديو المريخ للتسجيلات الصوتية وإللى خَد له التيك كان الباشمهندس بلوتو :)
الشاعر إللى بيقول كلام ماإتكتبش أو ماإتقلش قبل كده ..
ماتخلينا إحنا نقرر وللا إنت عايز تبعدعنك شبهة الإقتباس يامعلم :) ؟!
أو الموزع إللى بيدى لنفسه لقب موسيقااار وكإنه بيتهوفن
أو عمر خيرت وللا سليم سحاب :)
أو القصيدة القنبلة :.. علشان نفضل نترعش وإحنا بنسمع
أو أجمل ترنيمة …. ياعم طب ماتسيبنا إحنا نحكم ..
ماهى مقاييس الجمال بتختلف ومش كل الناس بتحب الترنيمة عينيها خضرا وشعرها أصفر :)
والمضحك فى الحدوتة لما يبقى البيه كاتب كده " على نفسه "
يعنى مش حد بيجامله وبينفخ فيه لأ ده هو إللى بينفخ فى نفسه :)

وأخيراً بقى إنتظروا ترنيمتى الجديدة
أقوى ترنيمة أضخم إنتاج أجمل أصوات وأحسن موسيقى
ترنيمة عن أعظم فضيلة " فضيلة التواضع "
وإسم الترنيمة " أنا وتواضعى "
وده جزء من كلماتها هتلاقيه " حصرياً " عندنا :

كل الناس وحشين وأنا حلو ..
بس أنا مش متكبر
أنا أشطر وأحسن مـ الكل..
بس أنا مش متكبر
مش شايف غير نفسى عشان
ماباأحبش أشوف مغرورين
باأتكلم عن نفسى عشان
أبقى قدوة للخاطيين
هيه هيه أنا متواضع
_____________________

مـ الآخر
لاتضع لقباً قبل إسمك سوى ماأنت عليه فعلاً .. لاماتتمنى أن تكونه
وده مش عشان لاااازم تكون متواضع … إنت حر
وبعدين ..
" ماإنت ممكن ماتكتبشى أى ألقاب وبرضو ماتكونشى متواضع "
" وممكن يبقى قبل إسمك لستة ألقاب " حقيقية "
وتكون فى منتهى التواضع .
لاتكتب سوى " ماأنت عليه فعلاً " " عشان خاطرك إنت ..
عشان خاطر محدش يضحك عليك

taranemonline.com

Pin It

Leave a Reply

« »

Scroll to top