< متتنازليــــــش > متقوليش انا سنى كبر ولازم اتنازل عن حاجات مش قابلاها ف العر…

on May 10 | in ArT-FaCe | by | with No Comments

‫< متتنازليــــــش >
متقوليش انا سنى كبر ولازم اتنازل عن حاجات مش قابلاها ف العريس اللى متقدملك علشان اهو تبقى جوازة وخلاص خدوا بالكم احنا مش عندنا طلاق .. ومتقوليش انك هتغيريه بعد الجواز لان مفيش حد بيتغير بعد الجواز خــــــــــالص
ومتدوسيش على نفسك وكرامتك وتعملى حاجات انتى مش مقتنعة بيها علشان اللى بتحبيه لانه لو بيحبك فعلا هيحبك زى ما انتى بكل عيوبك .
قريت مشكلة من يومين ع الصفحة ان بنت خطيبها كل شوية يقولها خسى وخلاها منهارة وبتبكى علطول احب اقولها لا متعمليش كدة علشان حد ومتبكيش ولا تتعقدى انتى بنت ربنا وربنا خلقنا على صورته ومثاله وربنا بيحبك زى ما انتى كدة ويمكن دى تكون ميزة فيكى مش عيب صدقينى انا مجربة نفس موقفك بالظبط وعملت زيك لحد ما باعنى ودمرنى وكنت هموت علشان سبب تانى خالص غير انى مليانة شوية لانه من الاول مكانش بيحبنى اللى بيحب حد بيحبه كله على بعضه وبيقبله بعيوبه ومميزاته ومحدش يقوللى دة عايزك احلى واحدة فى الدنيا لان كان قدامه بنات كتير وهو اللى اختارنى يبقى يقبلنى زى ما انا وصدقينى بعد فترة ربنا بعتلى الانسان اللى كنت طول عمرى بحلم بيه بيحبنى وبيموت فيا وعمره ما جرحنى بكلمه وحاببنى اوى كدة زى منا ولما بقوله عايزة اخس يقوللى لو انتى عايزة كدة علشان صحتك اعملى كدة وانا هشجعك بس لو مش عايزة يبقى خليكى زى ما انتى وانا بحبك كدة ومش عايزك تتغيرى
صدقونى ربنا دة حنين اوووى علينا وبيبعتلنا اللى ينفعلنا ويسعدنا لانه عايزنا مبسوطين
احنا ولاد الملك فارجوكم بلاش تتنازلوا اصبروا وربنا هيبعتلكم ابنه فى الوقت المناسب بس بلاش تتنازلوا وتتسرعوا وصلوا كتير وربنا معاكم
دة رأيى اللى نفسى كل البنات تشوفه وتعمله
اذكرونى فى صلاتكم
مارينا‬

Pope Kirillos VI

Pin It

Leave a Reply

« »

Scroll to top