واحد من الرحالة زمان كان في رحلة لاستكشاف مكان جديد من الأرض و خلال تجواله لقي ع…

on May 5 | in ArT-FaCe | by | with No Comments

‫واحد من الرحالة زمان كان في رحلة لاستكشاف مكان جديد من الأرض و خلال تجواله لقي عين ماء .. لما شرب منها لقي انه عمره في حياته ما شرب ماء بالعذوبة دي و لما زاد اعجابه بالماء دا قرر انه ياخد شوية منها للملك اللي كان بيحبه جداً .. فملا قربة من الجلد بالماء دا و شالها و كمل رحلته و رجع لبلده .. و لما وصل بلده اول حاجة عملها ان جري علي الملك عشان يقدم ليه الماء و يحكي له الحكاية كلها .. فشرب الملك من الماء و كان فرحان بيه جداً و شكر الرحالة دا جداً علي الماء دا و كان ممتن جداً ليه .. و مشي الرحالة و هو كمان مبسوط جداً لأنه ارضي ملكه .. و بعض ما مشي الرحالة .. شرب من الماء مجموعة كانوا موجودين مع الملك فلقوا ان طعمه وحش جداً و دا كان بسبب القربة اللي كان شايل الماء فيها و بسبب طول الرحلة .
فسألوا الملك : انت ازاي شربت الماء و تذوقتها باعجاب و كنت مبسوط جدا بطعمها ؟؟!
رد الملك و قال: أنا لم أكن أتذوق طعم الماء .. أنا كنت أتذوق محبة الرجل اللي دفعته انه يشيل الماء لحد هنا من أجلي :)

عارفين يا شباب .. ربنا كمان بيقيس اللي بتقدمه ليه بدافع و بمقدار المحبة اللي قدمت بيها مش بحجم و لا شكل و لا قيمة اللي بتقدمه .
محبة قلبنا هي أحلي تقدمة لربنا و أكتر حاجة ممكن تفرحه :)

Elmes Edena Band ♫♫ ♫♫ فريق إلمس إيدينا

Pin It

Leave a Reply

« »

Scroll to top