مش عايزين نضحك علي نفسنا و نعيش في الوهم، حب يسوع مش بالكلام و بس، لازم يكون ” ب…

on May 2 | in ArT-FaCe | by | with No Comments

‫مش عايزين نضحك علي نفسنا و نعيش في الوهم، حب يسوع مش بالكلام و بس، لازم يكون " بفعل " يوثق مدي مصداقيتك لكلامك دا، يعني ماينفعش أقول أنا بحب يسوع جدا و نفسي أبدأ من جديد معاه و في نفس الوقت مش عارف أخد القرار أو بمعني أصح مش ببدأ فعليا في التنفيذ و عايش بعيد عنه !
يبقي كدا أنا مش بحب يسوع لأن اللي بيحب حد و عايز يكون وياه بيتغير و بيعمل المستحيل عشانه و لو بيحبه بجد مايقدرش يبعد او يعيش بعيد عنه فما بالك كمان دا حد ضحي بحياته عشانك، و فداك بدمه!
طب هاقولك علي حاجة مفيش أعظم من حب يسوع .. يسوع اتصلب عشانك و عشاني مفيش طبعا حب أصدق و لا أعظم من دا و عمل كدا عشان بيحبنا و عشان ينقذنا من الهلاك الأبدي .. انت بقي قدمتله ايه يثبت حبك ليه !!! دا حتي قرار انك تعيش قريب منه و معاه صعب انك تاخده !!
انت متخيل شعور يسوع ايه و هو شايفنا كدا و احنا مقسيين قلبنا عليه و و لا كأنه موجود بعد كل اللي عمله علشانا !!!!!!!!!!!!!
علشان نحسها كل واحد مننا يحط نفسه في الموقف دا و يحكم بعدها " لو انت ضحيت بحياتك و عمرك عشان حبيبك و بعدين هو باعك و سابك لوحدك يبقي هو بيحبك و لا كان ضاحك علي نفسه و عليك ؟!!!!
خليــــــــك واضــــــــــــح و صريــــــــــــــح مع نفســـك
تاخد قرار تجاه يسوع = تاخد خطوة فعلية تجاه يسوع
كلام من غير أفعال = نفاق = لا شيء
أفعالك هي اللي هتتكلم عنك، أفعالك هي اللي ليها صوت أعلي من كلامك
أصل مفيش أسهل من الكلام .. لكن افعالك هي اللي بتحدد شخصيتك و بتحدد انت مين و عايز تعمل ايه و مدي جديتك الفعلية في اللي عايز تعمله !!
Actions speak louder than words‬

Elmes Edena Band ♫♫ ♫♫ فريق إلمس إيدينا

Pin It

Leave a Reply

« »

Scroll to top