“بطرس علي الهواء”

on May 2 | in ArT-FaCe | by | with No Comments

‫"بطرس علي الهواء"‬


Timeline Photos
"بطرس علي الهواء"
فقرة لعيد القيامة
كتابة – ميلاد نبيل
برنامج حواري تقوم فيه المذيعة بطرح اسئلة علي بولس الرسول
يفضل ان يقوم بطرس بارتداء ملابس توحي بالشخصية
المذيعة : مساء الخير عليكم وكل سنة وانتوا طيبين ,, إنهاردة معانا ضيف من ضيوف القيامة ضيف كان عايش مع ربنا وقعد معاه لحد مامات وإتصلب إتقال عنه إنه صخرة وربنا قال له "علي هذه الصخرة أبني بيعتي" كان بيحب ربنا جدا لكن غلط
المذيعة : ياتري ممكن تقولنا يامعلمنا بطرس ايه هي الخطية اللي انت وقعت فيها ؟ ولو مش حابب تقول ممكن نلغي السؤال ده
بطرس : لا طبعا انا موافق علي السؤال ومعنديش اي مشكلة وبعدين ان قصتي موجودة في الكتاب المقدس وانا فخور كمان بإني أنكرت السيد المسيح
المذيعة : ايه فخور ؟ معلش صعبة علينا شوية دي ممكن تفهمني يعني إيه كنت فخور بإنكارك لربنا
بطرس : فخري مش بالإنكار نفسه لكن بإني وقعت في الخطية وقمت تاني أنا مقدرش أنكر إني ضعفت وخفت وقلت إني معرفش ربنا لكن بعد كدة زعلت اوي وقدمت توبة لربنا وهو سامحني
المذيعة : طيب بما اننا في عيد القيامة ممكن تقولنا يامعلمنا بطرس انتوا كنتوا مصدقين ان ربنا هيقوم ولا مكنتوش مصدقين
بطرس : بصي مش كلنا يعني كان في ناس مصدقة ومستنية ربنا يقوم وكان في ناس تانية مش مصدقة وعشان كدة استغربنا لما ربنا ظهر لنا بعد قيامته
المذيعة : انتوا ساعتها إفتكرتوا إن دي روحه صح ؟
بطرس : بالظبط اللي حصل إننا كنا برده خايفين ساعتها وقاعدين مع بعض وقافلين علي نفسنا الباب وفجأة شفنا ربنا ظاهر قدامنا وكنا حزاني جدا لكن فرحنا لما شفناه وهو عشان يثبت لنا انه جسد كل معانا كمان
المذيعة : يعني انتوا بقي صدقتوا ساعتها انه قام
بطرس : اه طبعا بس بصراحة كان في واحد مننا مكنش مصدق هو دايما كان بيشك يعني
المذيعة : بيشك ؟ أكيد مفيش غيره معلمنا توما الشكاك
بطرس : بالظبط هو كان شاكك ف الأول بس بعد كدة آمن طبعا وصدق وكمان بشر في أماكن كتيرة لإنه كان إنسان رائع
المذيعة : يابختكم يابطرس لكن مقلتليش كنتوا كلكم قاعدين ساعتها الاتناشر تلميذ صح
بطرس : لا احنا كنا حداشر بس
المذيعة : حداشر بس ؟ ازاي مش انتوا اتناشر تلميذ
بطرس : انتي شكلك ناسية مش يهوذا شنق نفسه يعد مندم وسلم بابا يسوع
المذيعة : ايوة صح معلش انا شكلي محتاجة اقرا الكتاب المقدس تاني ، طيب قلنا يابطرس أنا سمعت أن بابا يسوع لما مات الملك حط ساعتها علي الحجر ختم هو ده كان ليه
بطرس : ساعتها الملك واليهود كانوا خايفين مننا
المذيعة : خايفين منكم إنتوا
بطرس : أه تخيلي ؟ كانوا فاكرين إننا ممكن نروح نسرق جسد بابا يسوع وندعي إنه قام م الأموات مكنوش عارفين إن ربنا قادر علي انه يقوم والقبر مقفول
المذيعة : القبر مقفول .. ازاي كان مقفول مش الملاك برده نزل من السما ودحرج الحجر عن باب القبر
بطرس : ده حصل فعلا بس ده حصل بعد القيامة .. ربنا مكنش محتاج للملاك يفتح له القبر لكن الملاك ده جه علشان يوري الناس قيامة ربنا ويفتح القبر
المذيعة : ده أنا معلوماتي كلها شكلها غلط ياماربطرس
بطرس : لا يابنتي كويس إنك بتسألي عشان تعرفي
المذيعة : طيب كنت عاوزة أسالك عن حاجة ياماربطرس
بطرس : اسالي يابنتي
المذيعة : هو ماما العدرا كانت عاملة ايه لما ربنا مات
بطرس : طبعا الي يقدر يحكيلنا الموضوع ده أكتر معلمنا مار يوحنا لكن أقدر اقولك انها كانت حزينة جدا لكن ف الوقت نفسه كانت متعزية وواثقة اكتر مننا كلنا ان ربنا هيقوم م الأموات
المذيعة : طيب عاوزين نختم معاك بنصيحة تقولهالنا في ايام الخماسين اللي احنا داخلين عليها
بطرس : خليكم فاكرين اننا ياولاد بعد قيامة ربنا وحلول الروح القدس علينا بدأنا نبشر في كل حته وسمعنا كلام ربنا وانتوا برده لازم تسمعوا كلام ربنا …. "يضيف الخادم مايريد قوله ويختم البرنامج"

Fans of "The Cross"

Pin It

Leave a Reply

« »

Scroll to top