بندق وبندقة والبابا شنودة وعيد القيامة

on May 2 | in ArT-FaCe | by | with No Comments

‫بندق وبندقة والبابا شنودة وعيد القيامة ‬


Timeline Photos
بندق وبندقة والبابا شنودة وعيد القيامة
تصلح كفقرة يوم العيد
تأليف : ميلاد نبيل

بندق : بندقة يابندقة إيه رأيك بقي في اللبس الجميل ده
بندقة : الله يابندق ده حلو خالص خالص مبروك عليك
بندق : ايه ده وانتي يابندقة مجبتيش لبس ولا ايه
بندقة : لا مجيبتش بقي السنة اصل كنا ملخومين وزعلانين عشان خاطر سيدنا البابا شنودة لما يعني تنيح
بندق : ياربي ع الجهل يابنتي البابا شنودة مات مش تنيح اللي بتقولي عليها دي
بندقة : يابندق ماهو تنيح يعني مات بس كلمة تنيح يعني إرتاح
بندق : طب وهو البابا شنودة إرتاح إزاي
بندقة : مش هو راح السما يابندق برده
بندق : اه طبعا اكيد راح السما
بندقة : طيب يبقي هو ارتاح وزمانه دلوقتي فرحان جدا مع القديسين
بندق : يابخته يابخته ,, الله طب ولما هو فرحان ومبسوط إنتي بقي إزاي تزعلي
بندقة : لا ماانا برده فرحانة أولا فرحانة بعيد القيامة طبعا وكمان فرحانة بإن البابا شنودة راح للسما بس يعني هو بيوحشني
بندق : يابندقة إحنا نبقي نتفرج عليه ف التليفزيون بقي
بندقة : انت عارف يابندق إن البابا شنودة كان بيحب الاطفال اوي اوي
بندق : ايه ده بجد ؟ بس ازاي يعني ده هو كان كبير في السن
بندقة : وايه يعني يابندق ده هو كمان كان قبل مايبقي راهب كان خادم في مدارس الأحد
بندق : الله ,, ياريته كان اداني في مدارس الأحد
بندقة : ماانت ممكن تسمع الوعظات بتاعته وتستفيد منه برده يابندق
بندق : يابندقة يابندقة خلي الطابق مستور ده أنا بفهم م المس بالعافية تفتكري يعني هفهم كلام سيدنا البابا
بندقة : اه هتفهمه يابندق لإن سيدنا كان بيقول باسلوب جميل وكل الناس تفهمه
بندق : طب هو بابا يسوع برده لما مات قصدي تنيح برده كان زي سيدنا كدة
بندقة : اه طبعا يابندق هو مات زي سيدنا بس طبعا في فرق وهو انه ربنا هزم الموت
بندق : هزم الموت يعني ايه دي بقي
بندقة : بص ياسيدي انا هسالك سؤال
بندق : اسالي ياستي
بندقة : دلوقتي لو مثلا يعني سيدنا البابا عاوز يقوم م الاموات ممكن يقوم تاني
بندق : يقوم م الاموات ؟ يصحي تاني يعني لا تاني مينفعش لكن طبعا لو ربنا عاوز يبقي هيقوم
بندقة : ايوة برافو عليك هنا بقي الفرق ربنا لما مات قام م الاموات لوحده محدش قومه لكن لو سيدنا هيقوم يبقي ربنا اللي هيقومه
بندق : ايوة صح برافو عليكي شاطرة يابندقة
بندقة : طيب انا بقي اللي هسالك سؤال يابندق
بندق : اسئلتك كترت بس مش مشكلة قولي أنا مبحبش أبخل بمعلوماتي علي حد
بندقة : تفتكر دلوقتي البابا شنودة فين
بندق : في السما طبعا مااحنا لسه قايلينها دي
بندقة : انا اقصد انهي سما يعني
بندق : انهي سما ايه ده هو في سما غير اللي احنا بنشوفها دي
بندقة : ايوة يابندق احنا عندنا اربع سموات
بندق : اربعة دول فين دول مبشوفهمش يعني
بندقة : انت بتشوف السما الاولانية اللي البابا شنودة كان دايما يقول عنها بتاعة الطيور والطيارات
بندق : اه صح انا بشوف الطيارات بتطير فيها
بندقة : في سما تانية بقي موجودة إسمها الفردوس
بندق : ايوة فردوس النعيم .. صح ؟
بندقة : صح يابندق فردوس النعيم هو بقي البابا شنودة دلوقتي في فردوس النعيم وعشان كدة يابندق لما اللص اليمين .. عارفه الأول
بندق : أيوة ياستي اللص اليمين اللي هو كان حرامي
بندقة : ياسلامي ماهو أكيد لص يبقي حرامي
بندق : لا ماهو تاب وبعد كدة دخل الدير وبقي إسمه الأنبا بولا الإسود
بندقة : بس بس إنت لخبطت الدنيا لا يابندق اللي انت بتتكلم عنه ده اسمه الأنبا موسي الإسود كان في واحد تاني بقي اتصلب مع المسيح ع الصليب اسمه اللص اليمين وكمان كان في لص شمال
بندق : اه صح صح افتكرت بابا يسوع في النص وهما ع الجنبين
بندقة : شاطر مظبوط إنت عارف بقي البابا شنودة مرة كان بيوعظ وقال حاجة حلوة اوي
بندق : تفتكري لو قلتيهالي هفهمها يابندقة
بندقة : اه ركز انت بس معايا هو دلوقتي البابا شنودة قال ان اللص اليمين لما قال لبابا يسوع أذكرني في ملكوتك مكنتش جملته مظبوطة اوي
بندق : ليه بقي مكنتش مظبوطة
بندقة : المفروض انا اللي اسالك
بندق : انتي عمالة تسالي م الصبح اسال انا مرة بقي
بندقة : طيب انا هقولك هو سيدنا البابا قال ان الملكوت مكنش اتفتح لكن الفردوس اللي هو مكان الانتظار هو اللي اتفتح
بندق : صح صح مكان الانتظار الفردوس اللي دلوقتي البابا شنودة فيه صح
بندقة : صح يابندق
بندق : يعني البابا شنودة شاف اللص اليمين يابخته
بندقة : طبعا يابخته بس يابخته اكتر لانه شاف بابا يسوع
بندق : ايه ده وهو بقي كدة مش هيعيد زينا
بندقة : لا طبعا ده هعيد احسن مننا لانه هيعيد مع صاحب العيد نفسه مع ربنا
بندق : يابخته وهو برده بيقول اخرستوس انيستي اليسوس انيستي؟
بندقة : اه بيقولها كتييييييير طبعا
بندق : كويس كويس انا هسيبك بقي يابندقة وهروح اصلي لبابا يسوع وأقوله كل سنة وانت طيب يارب واخرستوس انيستي
بندقة : اليثوس انيستي
استنونا مع سلم الخماسين وبندق وبندقة في رحلة للسما قريباااااااااااااااا

ميلاد نبيل 11 / 4 / 2012

Fans of "The Cross"

Pin It

Leave a Reply

« »

Scroll to top