الظاهر كده ان الانسان أتعود عـ القسوة عليك مـن اول أدم و يهوذا و لغاية قلبي ا…

on May 1 | in ArT-FaCe | by | with No Comments

‫الظاهر كده ان الانسان
أتعود عـ القسوة عليك
مـن اول أدم و يهوذا
و لغاية قلبي اللي ناسيك
و الواضح جدا مـ المشهد
انك متعود عـ الغفران
حتي المسمار جاي بيشهد
علي طيبة قلبك للانسان
الظاهر اني بقيت أعمي
او قاصد ان انا استعمي
و مشوفش الدم
مش عايز اسمع لصراخك
و لالماتك أنا مش مهتم
و كأن الدم ده مش ليا
و كأنك مش أنت السيد
و أنا عبد و غرقان فـ خطية
لو كان المسمار يتكلم
كان ممكن جدا يتألم
و يقول حكايات
كـان ممكن يرفض أنه
يكون سبب الالامات
لكن انا كل يومين
بديك مليون مسمار
و مصمم ان أنا اصلب فيك
و بروح لخطيتي و بأصرار
الظاهر كده أن الانسان
متعود عـ القسوة عليك
بيشوفك متعري و متهان
و يشوف العدرا بتبكي عليك
و يوحنا معاك و فـ كل مكان
بيحبك و يبوس رجليك
و انا بردو أختارت أبقي يهوذا
او بطرس و اجرّح أكتر فيك‬

Pope Kirillos VI

Pin It

Leave a Reply

« »

Scroll to top