يادوب إسبوع .. بغير صورتي ع الفيس بوك ، واحط “يسوع” وأغير رنة التليفون .. لترنيم…

on April 29 | in ArT-FaCe | by | with No Comments

‫يادوب إسبوع ..
بغير صورتي ع الفيس بوك ،
واحط "يسوع"
وأغير رنة التليفون ..
لترنيمة عشان صوتها "يكون مسموع" ،
واكشر وشي ع الفاضي ..
كأن التوبه بالتكشير
واعيش الدور وانا مصدق ..
أنا ممثل قدير و كبير
وبغصب برضه علي نفسي ..
عشان أقدر
أصوم أكتر
أتوب أكتر
وادمع دمعتين أكتر
في يوم الجمعة اللي عظيمة
و "ريما" بعدها بترجع ..
قوام للعادة القديمة ..
انا إنسان مبيوفيش ..
بوعده مهما يوم يوعد
وعادي وعمري ما استغرب .. مادام القلب بيقرب
عشان يبعد‬

CH12 Magazine

Pin It

Leave a Reply

« »

Scroll to top