زمان كان في واحدة فقيرة كان عندها ولد وحيد و كان مريض جدا . و بعض الناس قالولها…

on April 23 | in ArT-FaCe | by | with No Comments

‫زمان كان في واحدة فقيرة كان عندها ولد وحيد و كان مريض جدا .
و بعض الناس قالولها ان ابنها في حاجة لنوع معين من العنب عشان يبقي كويس و يخف ..
فدورت علي النوع دا قي كل مكان و للأسف ملقتهوش، لكن هي اخيرا افتكرت ان النوع دا من العنب بيتزرع في حديقة قصر الملك .
فخدت مبلغ صغير اوي كان معاها و راحت لقصر الملك عشان تشتري العنب، لكن لما قالت للجنايني حكايتها ضحك و قالها : العنب دا مش للبيع !!
هي افتكرت انه قالها كدا عشان الفلوس اللي معاها كانت قليلة جدا و مش كافية لشراء العنب .
فرجعت تحاول تدبر مبلغ أكبر و هي متأكدة ان الجنايني هيبيع ليها العنب المرة دي لو قدمت له فلوس أكتر.
و فعلا دبرت المبلغ و راحت تاني ليه و عرضت عليه المبلغ الاكبر لكنه رفض مرة تانية انه يبيع ليها العنب و طلب منها كمان انها تمشي و ماترجعش تزعجه تاني .
في نفس اللحظة دي خرج ~ ابن الملك ~ للحديقة و سمع الكلام اللي قاله الجنايني للست دي و سألها ايه الموضوع !!
فجاوبته و قالتله ان ابنها محتاج لنوع معين من العنب عشان يشفي من مرضه و النوع دا مش موجود غير في القصر الملكي هنا و أنا جيت مرتين و معايا كل ما امتلك من المال عشان اشتريه لكن الجنايني بيرفض يبيع لي ..
فقالها الامير " يا سيدتي أبي ليس تاجر لكنه ~ ملك ~ و يسره ان يعطي بدون مقابل "
و اعطي الامير لها من العنب علي أد ما قدرت تشيل :)

** كتير جدا بيعتقدوا انهم ممكن يشتروا الخلاص بالمال أو بالأعمال و لكن خلاص الله لا يباع لأن يسوع مات ليمنحنا الخلاص مجانا لكل من يقدم توبة عن خطاياه و يضع ثقته و ايمانه في الرب .
" و أما هبة الله فهي حياة أبدية بالمسيح يسوع ربنا " (رو 23:6 )
و " من يرد فليأخذ ماء حياة مجانا " ( رؤ 17:22 )
فيـا " أيها العطاش جميعاً هلموا إلى المياه و الذي ليس عنده فضة تعالوا اشتروا و كلوا هلموا اشتروا بلا فضة وبلا ثمن…أسمعوا فتحيا أنفسكم " ( اش 1:55 )
:)
Elmes Edena‬

Elmes Edena Band ♫♫ ♫♫ فريق إلمس إيدينا

Pin It

Leave a Reply

« »

Scroll to top