” لأنه تعلق بي أنجيه . أرفعه لأنه عرف اسمي يدعوني فأستجيب له، معه أنا في الضيق،…

on April 20 | in ArT-FaCe | by | with No Comments

‫" لأنه تعلق بي أنجيه . أرفعه لأنه عرف اسمي يدعوني فأستجيب له، معه أنا في الضيق، أنقذه وأمجده من طول الأيام أشبعه ، وأريه خلاصي "
( مز 16:91-14 )

< وعـــــــــــود الله لينــــــا واضحة و صــــادقة و صريحــــــــــــة جـداً >

وجود ربنا معانا و في حياتنا بالتأكيد بيبعد اي خوف و قلق و بيدينا سلام و احساس مفيش زيه بالأمان و الراحة ..

كل اللي عليك أن تثق جدا و أن تؤمن بوعد الله ليك > انك وسط أي خطر لو ناديت عليه و استنجدت بيه استحالة يسيبك ابدا .. لأن وعود الله لينا صادقة جداً جداً و أكيدة .

فقط ثق و آمن و انت هتشوف ربنا بنفسك و هتحس بوجوده معاك وسط أي خطر بيهددك او اي خوف مسيطر عليك ..

فقط آمن …

داود الولد الصغير انتصر علي جليات الجبار بقوة الايمان مش بقوة سلاح من العالم !!

و دانيال كان في أمان في جب الاسود بقوة الايمان و بمعونة الرب ليه.
و شفنا الرب لما كان مع اصحابه الثلاثة في الأنون المحمي سبع مرات > و شافه بنفسه كمان الملك اللي امر بالقائهم في الأتون و كان الرب ظاهر وسطهم بمجد عظيم داخل الأتون .

بالنسبة ليهم كلهم الضيقات و الحروب اللي كانوا فيها دي كانت و لا حاجة و شيء لا يُذكر تماماً أمام قوة الله العظيمة .
و وسط اللي مروا بيه كانوا ثابتين جدا في سلام يفوق كل العقول لأنهم كانوا مصدقين جداً و متأكدين و متيقنين من حماية الرب المُخلِص .. مؤمنين، و مطمئنين جداً أنه دائما و أبداً يتدخل في اللحظة المناسبة لإنقاذ أولاده حتي لو كانوا علي عتبات الموت الأخيرة .

انت كمان بقوة ايمانك بالمسيح تقدر تغلب أي قوة في العالم مهما كانت جبارة و تَنجَي من أي فخاخ يترصدك بها أعداءك ^^

فـ " الرب معين لي فلا أخاف .. ماذا يصنع بي إنسان !!!! " ( عب 6:13 )

و دائماً " اذكروا مرشديكم الذين كلموكم بكلمة الله. انظروا إلى نهاية سيرتهم فتمثلوا بإيمانهم " ( عب 7:13 ) :) ))

Elmes Edena‬

Elmes Edena Band ♫♫ ♫♫ فريق إلمس إيدينا

Pin It

Leave a Reply

« »

Scroll to top