- أمراض المخدومين أمراض المخدومين موضوع كبير فأمراض مخدوم ابتدائي تختلف عن مخدوم…

on February 5 | in ArT-FaCe | by | with No Comments

‫- أمراض المخدومين
أمراض المخدومين موضوع كبير فأمراض مخدوم ابتدائي تختلف عن مخدوم إعدادي وعن ثانوي وعن شباب. عن خريجيين عن عائلات ومسنين.. أنا ها أتكلم عن المراحل الشبابية.
أولاً: مرض حمي الإسراع
حمي الإسراع يعني كل حاجة بقيت بسرعة… يقال عن هذا العصر عصر السرعة (تيك أواي ) يعني مش ذي زمان الناس كانت تقعد علي الطبلية أو ترابيزة السفرة يتجمع الأب والأم والأولاد –بانتظام علي ميعاد غدا أو ميعاد عشاء… لأ… النظام دلوقتي بقي كل حاجة بسرعة.. فكل ولد بيجي في ميعاد غير ميعاد الولد الثاني.. وبالتالي تغير موعد الغذاء.. كل واحد بيأكل في وقت غير التانى.. فتفككت العلاقات الأسرية.. وبالتالي الأسرة جزء من الكنيسة.. لأن الكنيسة هي مجموعة من الأسر الصغيرة.. فالأسرة الكبيرة (الكنيسة ) أصابتها حمي الإسراع.. كل الجيل عاوز كل حاجة بسرعة عاوز يأكل بسرعة، يصلي بسرعة، عاوز يتناول بسرعة وبالتالي أنه كانت النتيجة مفيش ثبات.. فكل حاجة بقيت بسرعة حتي العبادة اللي المفروض أن الناس تحاول تقعد فيها في الكنيسة الناس بتزهق علشان كده أحنا ككنيسة بنحاول نلاحق روح العصر ومش ملاحقين فكل ما نقول أن فيه تسبحة نلاقي الأولاد متذمرين من التسبحة مش عاوزين يحضروا تسبحة!!
كل ما نيجي نعمل قداس نلاقي الأولاد عاوزين يحضروا قداس 10 دقائق ويمشوا.. ليه؟ لأن حمي الإسراع تسربت للناس وأصبح كل حاجة عاوزين يعملوها بسرعة.. أصبح مرض العصر هي حمي الإسراع.. ورتم الحياة بقي سريع…
ثانياً:مرض الإباحية
من أمراض هذا العصر تفشي الإباحية فأبتدت الإباحية تبقي شئ علي مستوي العالم وعلي مستوي الكنيسة بقي شئ طبيعي أحنا زمان لما في سنكم كان لما يبعت سؤال للمتكلم أنه بيحب بنت كان يبقي مشكلة وكان يطبق الورقة كام تطبيقه ومثلا في اجتماع الشباب لو اثنين بعتوا سؤال عن الحب تبقي مصيبة ونقعد ندور مين اللي بعتوا السؤال معقول حد في سننا بيحب دي مشكلة!! دلوقت بقيت أسئلة عادية!! وبقي الوضع الطبيعي أن واحدة تعرف واحدة تعرف واحد ولما تكلمها تقولك ايه يعني إحنا أصدقاء وتتكلم بثقة شديدة وتقولك إيه يعني إحنا أصدقاء وتتكلم بثقة شديدة وتقولك إيه.. هو عيب نبقي أصدقاء؟! حرام نبقي أصدقاء؟! ما دام ما بنغلطش مفيش مشكلة.. وبقي الغلط هو الزني، فممكن يبقي فيه علاقات أخري ما يهمش يخرجوا مع بعض مفيش مشاكل!! كل ده بقي حاجات عادية يقولك إحنا ما بنغلطش،يقولك ما دام إحنا لا نقع في خطية الزني فاغلط بس هو الزني في نظرهم !
زمان برضه ما كناش نسمع عن قضايا الشذوذ الجنسي.. دلوقت كل اجتماع من أولي إعدادي طالع فيه شذوذ جنسي.. زمان ما كناش نسمع عن الزواج العرفي.. دلوقتي بقي في ثانوي زواج عرفي وفي الخرجين زواج عرفي وفي الشباب في كل الاجتماعات مع أن في المسيحية ترفض الزواج العرفي كل الأمور دهيت دليل أنه فيه أباحية في اللبس وأباحية في الكلام أصبحت سمة من سمات هذا العصر وبقي مرض مستعصي.. ولما يتكلم الخادم عن الالتزام في اللبس والالتزام في الكلام والالتزام في العلاقات.. أصبح الخادم كأنه بينحت في الصخر
ش

انتظرونا فى باقى امراض المخدومين‬

Fans of "The Cross"

Pin It

Leave a Reply

« »

Scroll to top