يقول الله ” التفتوا إلى واخلصوا يا جميع أقاصي الأرض ” (إش 45: 22) ربنا هنا بين…

on April 13 | in ArT-FaCe | by | with No Comments

‫يقول الله " التفتوا إلى واخلصوا يا جميع أقاصي الأرض " (إش 45: 22)
ربنا هنا بينادي علي العالم كله و علي جميع الناس مهما كان بُعدهم مهما كان جنسهم .. مهما كانت حالتهم أو مركزهم أو معتقداتهم .. العقائد التانية بتنادي و بتخاطب جنس أو شعب أو أمة معينة في مكان معين !
لكن نداء يسوع للخلاص المجاني من نوع تاني خالص .. نداء بمحبة عظيمة .. بحب غير مشروط .. نداء بيقدمه للجميع بدون استثناء.
نداء مُقدم لكل الأمم و الشعوب .. لكل الأجناس في جميع أقاصي الأرض لأن ربنا قال " لأنه هكذا أحب الله العالم حتى بذل ابنه الوحيد ، لكي لا يهلك ~ كل من يؤمن به ~، بل تكون له الحياة الأبدية " ( يو 16:3 )
بولس الرسول في عظته لسكان أثينا قالهم " فالله الآن يأمر ~ جميع الناس في كل مكان ~ أن يتوبوا، متغاضيا عن أزمنة الجهل.لأنه أقام يوما هو فيه مزمع أن يدين المسكونة بالعدل، برجل قد عينه، مقدما للجميع إيمانا إذ أقامه من الأموات " ( أع 31:17-30 )
كلمة الله بتقول ~ جميع الناس في كل مكان ~
انت لما صاحبك بيدعيك لمناسبة تحضرها أو لخروجة حلوة .. وقتها بتستعد قبل الميعاد أو المناسبة بفترة و بتكون فرحان و مبسوط بالدعوة دي !
طب تعمل ايه بقي لما يكون اللي بيقدملنا النداء و الدعوة دي دلوقتي هو " ربنا " ليه كل المجد !
لكن نداءه و دعوته مختلفة جدا و عظيمة و مقدسة جدا .. لأنها نداء و دعوة لخلاص نفوسنا .. دعوة فيها الراحة و الهدوء و السلام و الآمان ..
و رغم كدا للأسف كتير مننا بيرفضها و مش بيقدًّرها و لا بيقدًّر صاحبها !
ربنا دعوته ما زالت ليك و ليا و لجميع الناس في كل مكان .. مهما كانت ظروفك .. مهما كانت حالتك .. مهما كان مكانك !!
يا تري هتلبي النداء العظيم دا ؟!
ربنا بيدعوك انت شخصيا .. ايه هو موقفك بقي ؟؟

شاركونا يا شباب اجمل وقت و أجمل حديث و كلام مع " الله " حبيبنا
و النهاردة هنبتدي معاكم في سفر اشعياء اصحاح 1 & 2
شــــاركـــــــونــا مع كــل اللـي تعــرفـوهـم :)

Elmes Edena Band ♫♫ ♫♫ فريق إلمس إيدينا

Pin It

Leave a Reply

« »

Scroll to top