on April 13 | in ArT-FaCe | by | with No Comments


Timeline Photos
وصلتى معجزة ادمن @[326065607481535:274:+†+محبى المتنيح ابونا فلتاؤس السريانى كوكب بريه شيهيت شفيع المستحيلات+†+]
انا اسمي ( م . ل ) تبدأ حكايتي من يوم 25\2\2013 اول يوم في صيام يونان بعد ما رجعت من القداس حصلي نزيف بسيط ، بس للاسف النزيف ده استمر معايا لحد يوم 20\3\2013 .. و كانت النتيجه اني تعبت جدا و خسيت جدا جدا و بان عليا جدا اني تعبانه اخدت حقنه تمنع النزيف بس مجابتش نتيجه معايا
المهم بعد يوم 20\3 ب 10 ايام بالظبط و النزيف بدء مره تانيه
كنت بجد حاسه اني مخنوقه و مش عارفه اعمل حاجه نفسي احضر قداس و اتناول بس مقدرش و في نفس الوقت مطلوب مني التزامات في البيت نظرا لاني وحيده و البيت كله بمسئوليته عليا .. فطلبت من ابونا فلتاؤس السرياني انه يشفيني و دي مكانتش اول مره اتشفع بيه
انا طلبته قبل كده في احد المواد الدراسيه و جابلي فيها تقدير امتياز
المهم رحت لدكتور نساء و اداني علاج امشي عليه
انا رحت للدكتور يوم السبت و استمريت علي العلاج و جاتلي النتيجه من ابونا فلتاؤس يوم الاتنين اللي بعده علي طول و النزيف وقف
و لسه هروح في الاعاده للاطمئنان مش اكتر
و انتهزتها فرصه و رحت القداس و اتناولت لاني كنت حاسه اني محرومه من الكنيسه
و حاليا صحتي افضل بكتير و اتمني من ابونا فلتاؤس يشفي عني نهائيا و لا ميعودش النزيف ده تاني

اما المعجزه التانيه كانت مع اختي .. هي عايشه بره مصر
و كانت في شغل بس مكانتش مرتاحه فيه و كانت اول مره تسمع عن ابونا فلتاؤس راحت جابت صورته و قالتله هو انت مش هتشتغل ولا ايه ؟ دا انت شفيع المستحيلات مش هتعرف تجبلي شغلانه ؟
في نفس اليوم جالها اتصال من 3 شركات مختلفه طالبينها في شغل

شكرا جدا يا ابونا فلتاؤس كتر خيرك .. من فضلك اشفي عن اخويا لان تعبان جدا
شكرا يا ابونا فلتاؤس اشفع فينا امام عرش النعمه

أحباء الأنبا رافائيل Lovers of Bishop Raphael

Pin It

Leave a Reply

« »

Scroll to top