” الله محبة ” المحبة دي طبيعة الله و صورته اللي داينا بنشوفها عنه ” ليس لأحد حب…

on April 12 | in ArT-FaCe | by | with No Comments

‫" الله محبة " المحبة دي طبيعة الله و صورته اللي داينا بنشوفها عنه
" ليس لأحد حب أعظم من هذا أن يضع أحد نفسه لأجل أحبائه " (يو13:15)
" انظروا اية محبة اعطانا الآب حتى ندعى اولاد الله " ( يوحنا 3: 1 )
"لانه هكذا احب الله العالم حتى بذل ابنه الوحيد لكي لا يهلك كل من يؤمن به بل تكون له الحياة الابدية " ( يوحنا 3: 16 )
رغم حب ربنا العظيم دا لينا هو مش بيجبر حد مننا علي حبه ..
لأن الحب لا يُفرض فرضا و إلا مش هيكون حب هيكون عبودية .. و الله مش عايزنا عبيد ليه بل أبناء ليه …
عشان كدا ربنا مش بيفرض وجوده علينا .. هو عايز كل واحد مننا يجيله بس بإرادته الحرة و بقراره هو مش عايزنا نروح ليه مغلوبين علي أمرنا و مُجبرين ..
"هأنذا واقف على الباب وأقرع إن سمع أحد صوتي و فتح الباب أدخل إليه وأتعشى معه و هو معي" (رؤ3: 20)
أرجوكم كل واحد يصحي و يفوق و كفاية بقي قسوة علي يسوع و استغلال لمحبته و ارجع كدا لـ ورا و افتكر كدا من اللي اتعلق علي الصليب و اتحمل آلام و إهانات هو ميستاهلهاش و كل دا كان عشانك انت .. عشان يفديك .. اتعذب هو و اتهان و اتصلب عشان انت تعيش حياتك مُعزز مُكرم .
من فضلكم كل واحد حالا يقوم و يتكلم معاه و يقوله أنا أسف أنا كنت قليل الأصل معاك و من النهاردة هتكون انت بس حبيبي و أغلي ما عندي .. انت ملكي .. ملك الملوك و أنا من النهاردة تحت رجليك و خدامك و هاعيشلك انت و بس كل أيامي ..
يسوع واقف علي باب كل واحد دلوقتي .. يا ريت ما تقسيش قلبك و ما تسيبوش واقف أكتر من كدا و قوم حالا افتحله و استقبله أحسن استقبال و دخله قلبك و ما تخرجوش منه تاني أبدا ..
من فضلك افتحله .. لأنه مش جاي يشحت منك الحب و الإهتمام
يسوع فادينا هو ملك الملوك و قيمته و مقامه عاليين جدا جدا و فوق الكل .. هو أعظم ما في الوجود ..
سامحني يا ربي أنا بحبــــــك جدا جدا و طول عمري هعيش تحت رجليك .. هشيلك في قلبي و فوق راسي و هكون ملكك انت و خدامك طول حياتي .
Elmes Edena‬

Elmes Edena Band ♫♫ ♫♫ فريق إلمس إيدينا

Pin It

Leave a Reply

« »

Scroll to top