الي خدام المس ايدينا ” كلام يفرق جدا ” Emy Tito wrote الموضوع بدأ من ســنـتـي…

on April 11 | in ArT-FaCe | by | with No Comments

‫الي خدام المس ايدينا " كلام يفرق جدا "

Emy Tito wrote
الموضوع بدأ من ســنـتـيـن ,,,,
كنت راكب اتوبيس يوم 1-5-2011 من أسكندرية أنا و مجموعة من اصحابى و رايحين حلوان نحضر مهرجان روحى رياضى ,, قضينا اليوم و اتبسطنا و لقيتهم بيقولوا فى اخر اليوم فى فقرة ترانيم دلوقتى , فى فريق أسمة "المس ايدينا" هايجى يرنم دلوقتى ,, قلت احضر و اسمع ,, لقيت مجموعة شباب أبتدوا يرنموا بس بروح جديدة أوى و مختلفة جداً ,, سمعت مزيكا حلوة بتتكلم ,, سمعت ترانيم كنت سمعتها قبل كدة بس لأول مرة كنت بحس الكلام قد اية بيلمسنى ,, شفت صلاة حقيقية بجد من القلب ,, سمعت كلام من العادى بتاعنا بس متلحن و معمولة مزيكا كويسة و بيتقال ,, ماكنتش عاوزهم يخلصوا بصراحة لأنى استمتعت جداً بـ اللى حصل دة ,, و خلص اليوم و رجعت اسكندرية و أنا مبسوط جداً ^_^
بعدها بـ حوالى اسبوعين سمعت عن حفلة خريجين هنا فى اسكندرية جاى فيها الفريق ,, قلت لازم اروح و احضر ,, رحت مع اصحابى و حضرنا و استمتعنا جداً
قررت بعدها انى مش هافوت حفلة ولا اجتماع موجود فية الناس الجميلة دى و فـ كل مرة بيزيد الأبداع و التالق
ابتديت اتعرف عليهم و اتكلم معاهم ,, لقيتهم أشخاص عاديين جداً ,, بس عندهم هدف و مصممين يوصلولة ,, هدفهم هو انهم يعرفوا كل الناس مين هو ربنا ,, عندهم استعداد يتكلموا عنة فى كنيسة أو شارع أو أى مكان ممكن أى حد يتخيلة ,, دة بيخليهم يقابلوا صعوبات كتيرة و مشاكل رهيبة بس مبسوطين بـ دة جداااااااااً و مصممين يكملوا ,, و حسيت بأيد ربنا معاهم و مسانداهم خطوة بخطوة و مابتسيبهمش
عشت سنتين من التغيير الحقيقى ,, سنتين فرقوا معايا أوى و أتعلمت كتير منهم
بقولها بجد من كل قلبى ,,, أفـتـخـر بـمـعـرفـتـى لـهـذا الـكـيـان الـعـظـيـم "ألـمـس أيـديـنـا"
"المس ايدينا" مش مجرد فريق ,, المس ايدينا ,, اسلوب حياة :)

Elmes Edena Band ♫♫ ♫♫ فريق إلمس إيدينا

Pin It

Leave a Reply

« »

Scroll to top