” من أراد أن يأتي ورائي فلينكر نفسه و يحمل صليبه و يتبعني ” ( مر 34:8 ) مهما كنت…

on April 10 | in ArT-FaCe | by | with No Comments

‫" من أراد أن يأتي ورائي فلينكر نفسه و يحمل صليبه و يتبعني " ( مر 34:8 )
مهما كنت بتمر بضيقات و تجارب صعبة و ألم .. لو واقف حتي قصاد الموت .. اوعي تخاف أو تستسلم أو يضعف ايمانك … متهربش من وجعك و من صليبك و تجري تدور علي الراحة .. اتحمل و اصبر ..
يسوع مكانش بيدور علي الراحة .. كان بيدور علي التعب ..
و لو انت عايز تربح المسيح امشي ورا خطاه و احمل صليبك يعني اتحمل تعبك و ضيقك و ألمك و كون مستعد حتي للموت في أي مكان و أي وقت من أجل اسمه القدوس …
• انت لو هربت من ألمك و مكنتش عايز تتعب يبقي كدا بتأذي نفسك و بتخسرها و لو خفت من الموت من أجل اسم المسيح يبقي بتتمسك بالدنيا و العالم الفاني دا و بتخسر حياتك الأبدية ..
• متخافش من اي اضطهاد أو اهانة ممكن تتعرض ليها .. متخافش من لحظة تيجي ممكن تتهان فيها من أجل اسمه أو يدوس الناس عليك !!
لأنه مكتوب " طوبي للمطرودين من أجل البر لأن لهم ملكوت السماوات " ( مت 10:5 )
يسوع زمان اتداس عليه و صلبوه عشانك و عشاني و لو مكانش حصل دا مكانش و لا واحد مننا ممكن يقدر يدخل السما ..
فمتجيش تتذمر انت علي مشيئة الله و ترفض التجربة اللي ربنا سمح بيها .. ربنا أوقات هو اللي بيسيبنا نقع و نجرب و ندوق المر عشان نربح السما ..
احنا لازم نكون زي حبة الحنطة اللي يسوع قال عليها .. هي لو فضلت في الهوا كدا معززة مكرمة و موقعتش في الارض هتفضل زي ما هي حبة من غير حياة و من غير أي ثمر ..
لكن هي عشان تجيب ثمر كتير لازم تقع في الأرض و في الطين و ممكن يداس عليها و تتخنق و تموت .. يسوع ممكن يكون بيدفعنا زي حبة الحنطة للطين ( الذل و الضيق ) عشان نأتي بثمر كثير..
" الحق الحق أقول لكم : إن لم تقع حبة الحنطة في الأرض وتمت فهي تبقى وحدها. ولكن إن ماتت تأتي بثمر كثير. من يحب نفسه يهلكها ، ومن يبغض نفسه في هذا العالم يحفظها إلى حياة أبدية " (يو 25:12-24 )
• مكتوب كمان :
*جميع * الذين يريدون أن يعيشوا بالتقوي في المسيح يسوع يضطهدون (2 تي 12:3 )
" جميع " مقالش " بعض " قال "جميع " بدون أي استثناء !!
فـ متخافش و لا ترهب من أي مضايقات أو ألم أو اضطهاد بتتعرض ليه دلوقتي أو بعدين من أجل اسم المسيح ..
• و متخافش و لا تقلق و لا تشيل الهم من انك ممكن تخسر اي شيء من العالم .. لو كنت طمعان في حاجة من العالم و رافض انك تخسر حاجة منه يبقي انت مش عايز تمشي مع ربنا !!
لأن اللي هيمشي مع ربنا لازم يخسر .. أيوة .. هيخسر حاجات في الحياة دي لكن في النهاية هيكسب كتير جدا جدا جدا :)
" اني أحسب كل شيء أيضا خسارة من أجل فضل معرفة المسيح يسوع ربي الذي من أجله خسرت كل الأشياء و أنا احسبها نفاية لكي أربح المسيح " ( في 8:3 )

مكملين معاكم يا شباب في رسالة بطرس الأولي اصحاح 3
يا ريت الكل يشاركنا :)

Elmes Edena Band ♫♫ ♫♫ فريق إلمس إيدينا

Pin It

Leave a Reply

« »

Scroll to top