on April 10 | in ArT-FaCe | by | with No Comments



ميكي وميني في قطر الصوم
حلقات مكتوبة عن آحاد الصوم الكبير

سيناريو وحوار : ميلاد نبيل
@[216139705125096:274:أعمال أدبية ،،، تأليف \: ميلاد نبيل]

"الفكرة ,, ميكي وميني موجودين داخل الخدمة طوال الصوم ممكن أن يكونا عرائس في مسرح عرائس أو ماسكات علي خشبة مسرح .. حسب إمكانيات الخدمة وسأقوم بكتابة حوار يعتبر تمهيد لكل درس وتقوم الخادمة او الخادم بمناقشة ميكي وميني إلي أن تبدأ هي بشرح القصة ,, يصلح لحضانة وإبتدائي"

الأحد الخامس – المخــــــــلع

مش هتقوليلي بقي ياميني
عاوز ايه بس ياميكي
انا دلوقتي عاوز أعرف الناس اللي احنا شفناهم وإحنا راكبين قطر الصوم دول كانوا مين
انت تقصد المحطة اللي فاتت دول السامريين اللي تبعوا السامرية وسمعوا كلامها وحبوا بابا يسوع
ياستي مش دول أنا أقصد بتوع المحطة دي أنا وانا راكب القطر بصيت كدة من الشباك رحت لقيت ناس كتيرة واقفين قدام ترعة
ترعة ؟ ترعة إيه ياميكي دي إسمها بركة
بركة ؟ يعني إيه
يعني مكان كدة كان فيه مية
أه ودول بقي جايين يصيفوا ؟ بس إزاي ده الجو برد إنهاردة كدة ممكن يجيلهم برد
لا ياميكي مش هيجيلهم برد عارف ليه
ايوة أيوة أكيد بقي مسخنين المية وكل واحد هياخد الشامبو بتاعه وينزل وباللوفة كمان بقي
شامبو إيه بس إنت مش فاهم حاجة ياميكي
طب ماتفهميني
إنت الأول لما شفت الناس دي مستغربتش من شكلهم
مالهم يعني لا مستغربتش ولا حاجة ولا في أي إندهاش
ازاي بقي ياميكي مش معظمهم كان نايم
أه كانوا نايمين ع الأرض أنا قلت مريحين شوية أو بياخدوا حمام شمس
لا ياميكي الناس دي عيانة
اهو أهو شقتي بقي مش أنا قلت لك ,, تلاقيهم نزلوا المية راحوا جالهم برد أنا مش فاهم ميقعدوا ف البيت أحسن ويتفرجوا ع التليفزيون
لا ياميكي لا مش ده اللي تعبهم دي المية دي اصلا المفروض تخففهم
تخففهم ؟ طب إزاي دي المية ممكن يكون فيها بلهارسيا يعني تعييهم أكتر
لا ماهي المية دي كانت مختلفة وهي كمان كان ممكن تخفف صاحب المحطة دي
إيه ده بجد ؟ يعني المولود أعمي خف لما نزل المية دي
ايه ده ياميكي إنت شكلك نسيت الترنيمة
لا فاكرها
طب تعالي كدة نقول البيت الخامس يالله قول لوحدك
يقول ميكي "الخامس المولود أعمي الغرقان بالخطية "
بس بس ياميكي إنت لخبطت الدنيا الغرقانة بالخطية دي كانت السامرية والخامس يبقي المخلع مش المولود أعمي المولود أعمي ده بتاع المرة الجاية
معلش معلش أنا إتلخبطت المهم قوليلي بقي المخلع ده نزل المية بقي ولا عمل إيه
لا هو منزلش المية
الله طب ليه
أنا معرفش ليه (المس / الأنكل) هتقولنا بس كل اللي أعرفه إن بابا يسوع هو اللي خففه
يابخته إنه شاف بابا يسوع .. هو أصلا يعني إيه مخلع دي
يعني يعني معرفش بقي المس هتقولنا معني إسمه
خلاص تعالي بقي نقعد مع الولاد دول ونسمع بس أنا عاوز نقول الترنيمة ماليش دعوي
خلاص نقولها يالله "رحلة جميلة ….
يبدا الخادم في شرح الأحد الخامس

@[216139705125096:274:أعمال أدبية ،،، تأليف \: ميلاد نبيل]

Fans of "The Cross"

Pin It

Leave a Reply

« »

Scroll to top